სოლიდოფოლი / SOLIDOFOL

შემადგენლობა: 1 ტაბლეტი შეიცავს:

ფოლიუმის მჟავა (ვიტამინი B9) – 400 მკგ;
იოდი (კალიუმის იოდიდი – 164 მკგ) – 125 მკგ;
ციანკობალამინი (ვიტამინი B12) – 9 მკგ.    

ფარმაკოთერაპიული ჯგუფი:
იოდის შემცველი პრეპარატი, ფოლიუმის მჟავასა და ვიტამინ B12 -თან ერთად.

ფარმაკოლოგიური მოქმედება: 

იოდი წარმოადგენს ძირითად ელემენტს ფარისებრი ჯირკვლის ჰორმონების (თიროქსინი T4 და ტრიიოდთირონინი T3) წარმოქმნისთვის. ფარისებრი ჯირკვლის ჰორმონები განაპირობებენ სხვადახვა ორგანოთა სისტემის ნორმალურ ფუნქციონირებას. მათზეა დამოკიდებული ისეთი პროცესები როგორიცაა მეტაბოლიზმი, რეპროდუქციული ფუნქციები, გარემოსთან ადაპტაცია, იმუნიტეტი და ა.შ. 

იოდზე და ფარისებრი ჯირკვლის ჰორმონებზეა დამოკიდებული ნაყოფის ნორმალური განვითარება მუცლადყოფნის პერიოდში, ბავშვებში ზრდა და განვითარება, ნერვული და ფსიქიკური მდგომარეობა და ა.შ.  

ფოლიუმის მჟავა (ვიტამინი B9) მიეკუთვნება B ჯგუფის ვიტამინებს. ადამიანის ორგანიზმში მოხვედრისას ის გარდაიქმნება ტეტრაჰიდროფოლიუმის მჟავად. მონაწილეობს პურინისა და პირიმიდინის ცვლაში, ქოლინის ცვლაში, ცილებისა დანუკლეინის მჟავების სინთეზში. მონაწილეობს ნერვული ღეროს ჩამოყალიბებაში მუცლადყოფნის პერიოდში. მისი დეფიციტი იწვევს ნაყოფის ნერვული ღეროს პათოლოგიებს. ფოლიუმის მჟავა მონაწილეობს სისხლწარმოქმნის პროცესში. 

ვიტამინი B12 ორგანიზმში წარმოქმნის ორ აქტიურ ფორმას, მეთილკობალამინს და ადენოზილკობალამინს. მეთილკობალამინი აუცილებელია მეთიონინსინთეტაზას ნორმალური დონის რეგულაციისთვის, რომელიც მონაწილეობს ფოლიუმის მჟავას მეტაბოლიზმში და განაპირობებს მასთან ერთად პურინისა და პირიმიდინის ცვლას, შესაბამისად მათზეა დამოკიდებული დნმ-ის რეპლიკაცია და რეპარაცია. ვიტამინი B12-ისა და/ან B9-ის დეფიციტის დროს ირღვევა მეთიონინისა და შ-ადენოზილმეთიონინის სინთეზი, რაც უარყოფითად მოქმედებს მეთილირების პროცესზე, ცილებისა და პოლიამინების ბიოსინთესზე.

ვიტამინი B12-ისა და B9-ის კომბინირებული მოქმედება განაპირობებს მეტაბოლური ბლოკადის გადალახვას იმ პირებში, ვინც განიცდიდა მათ დეფიციტს.

ვიტამინი B12 მონაწილეობს სისხლწარმოქმნის პროცესში, ასევე აუცილებელია ნერვული სისტემის ნორმალური ფუნქციონირებისთვის და ნივთიერებათა ცვლის რეგულაციისთვის. 

ჩვენებები: 
• იოდის, ფოლიუმის მჟავასა და ვიტამინ B12-ის დეფიციტი, ან/და მათი დეფიციტით გამოწვეული დაავადებების მკურნალობა და პროფილაქტიკა;
• ორსულობის დაგეგმვის წინა პერიოდი;
• ნერვული ღეროს პათოლოგიების პროფილაქტიკა (ორსულობის დაგეგმვის პერიოდი და ჳ ტრიმესტრი);
• გაზრდილი მოთხოვნილება იოდზე და ვიტამინებზე B9 და B12;

უკუჩვენება: 

ინდივიდუალური აუტანლობა პრეპარტში შემავალი კომპონენტების მიმართ.

გვერდითი მოქმედება:

ალერგიული რეაქციები პრეპარატში შემავალი კომპონენტების მიმართ.

განსაკუთრებული მითითებები: 

გაიარეთ კონსულტაცია ექიმთან თუ დამატებით იღებთ იოდის შემცველ პრეპარატს.

მიღების წესი და დოზირება: 

1 ტაბლეტი დღეში, ჭიქა წყლის მიყოლებით. უმჯობესია პრეპარატის მიღება ჭამის დროს ან ჭამის შემდეგ. მკურნალობის ხანგრძლივობას განსაზღვრავს ექიმი.

ჭარბი დოზირება: 

ჭარბი დოზირების შემთხვევაში მიმართეთ ექიმს.

გამოყენება ორსულობისა და  ლაქტაციის პერიოდში: 

პრეპარატის გამოყენება შესაძლებელია ორსულობისა და ლაქტაციის პერიოდში. კონსულტაციისთვის მიმართეთ ექიმს.

ურთიერთქმედება სხვა სამკურნალო საშუალებებთან: 

პრეპარატის გამოყენება არ არის რეკომენდებული ანალგეტიკებთან, ანტაციდებთან, ბარბიტურატებთან და ზოგიერთ ანტიბიოტიკთან ერთად, რადგან ფერხდება ვიტამინების აბსორბცია. 

კალიუმის შემნახველ დიურეტიკებთან კომბინაციაში გამოყენებისას შესაძლოა ჰიპერკალიემიის განვითარება.

ლითიუმის შემცველ პრეპარატებთან კომბინაციაში გამოყენებისას შესაძლოა ჩიყვისა და ჰიპოთირეოზის განვითარება.

გამოშვების ფორმა: 

ტაბლეტი N30, ფურცელჩანართთან ერთად მუყაოს კოლოფში.

შენახვის პირობები:  

შეინახეთ მშრალ, მზის სინათლისაგან დაცულ, ბავშვებისათვის მიუწვდომელ ადგილას, 15-25⁰C ტემპერატურაზე. 

შენახვის ვადა: 

მითითებულია შეფუთვაზე და ბლისტერებზე. არ გამოიყენოთ შენახვის ვადის ამოწურვის შემდეგ.

აფთიაქიდან გაცემის პირობა: 

გაიცემა რეცეპტის გარეშე (Food Supplement).

სოლიდოვიტ – B / SOLIDOVIT-B

შემადგენლობა:

ვიტამინი B₁ (თიამინის მონონიტრატი) – 5 მგ               

ვიტამინი B₂ (რიბოფლავინი) – 5 მგ

ვიტამინი B₃ (ნიკოტინამიდი) – 20  მგ

ვიტამინი B₅ (კალციუმის პანტოთენატი) – 10,5 მგ

ვიტამინი B₆ (პირიდოქსინის ჰიდროქლორიდი) – 6 მგ

ფოლიუმის მჟავა (ვიტამინი B₉) – 400 მკგ

ვიტამინი B₁₂ (ციანკობალამინი) – 9 მკგ

ბიოტინი (ვიტამინ H) – 100 მკგ

ფარმაკოლოგიური თვისებები:

სოლიდოვიტ B წარმოადგენს ვიტამინების კომპლექსს, რომელიც აუცილებელია ორგანიზმის ნორმალური ნივთიერებათა ცვლის, ზრდისა და განვითარებისათვის. ვიტამინების კომპლექსი მნიშვნელოვან როლს თამაშობს ორგანიზმის სასიცოცხლო ფუნქციების უზრუნველყოფაში, ასევე ზრდის ორგანიზმის სტრესისადმი რეზისტენტობის უნარს.

ვიტამინები მონაწილეობენ ნივთიერებათა ცვლაში, ბიოქიმიურ და ფიზიოლოგიურ პროცესებში.

ვიტამინი B₁ (თიამინის მონონიტრატი) – ხელს უწყობს ორგანიზმის ზრდასა და განვითარებას, ზრდის გონებრივ და ფიზიკურ შრომისუნარიანობას, ახდენს დეტოქსიკაციურ მოქმედებას, ასევე აუმჯობესებს ნერვული ქსოვილის ფუნქციონირებას.  თიამინი მონაწილეობს რიგი ფერმენტების ფორმირებაში, რომლებიც მნიშვნელოვან როლს თამაშობენ  ნახშირწყლოვან და ენერგეტიკულ ცვლაში, განსაკუთრებით ნერვულ და კუნთოვან ქსოვილებში.

ვიტამინი B₂ ( რიბოფლავინი) – წარმოადგენს უჯრედული სუნთქვის და მხედველობითი აღქმის პროცესების მნიშვნელოვან კატალიზატორს. რიბოფლავინი, არეგულირებს რა ჟანგვა-აღდგენით რეაქციებს, მონაწილეობს ცილების, ცხიმების და ნახშირწყლების ცვლაში,  მნიშვნელოვან როლს თამაშობს დნმ-ის ფორმირებაში, მონაწილეობს ჰემოგლობინის სინთეზში, ხელს უწყობს ქსოვილების რეგენერაციის პროცესებს (მათ შორის კანის ქსოვილის). დადებითად მოქმედებს მხედველობის უნარზე.

ვიტამინი B₃ (ნიკოტინამიდი) მნიშვნელოვანი ფაქტორია გლიკოლიზისა და უჯრედული სუნთქვის პროცესში. მონაწილეობს ამინომჟავების, ცხიმებისა და ნახშირწყლების მეტაბოლიზმში. ამცირებს საერთო ქოლესტერინის დონეს.

ვიტამინი B₅ (კალციუმის პანტოთენატი) შედის კოფერმენტ  A-ს შემადგენლობაში (არაცილოვანი წარმოშობის ორგანული ნაერთი, რომელიც საჭიროა ფერმენტების აქტივობის გამოვლენისათვის). მნიშვნელოვან როლს თამაშობს აცეტილირების და ჟანგვითი პროცესებისათვის. მონაწილეობს ნახშირწყლოვან და ცხიმოვან ცვლაში და აცეტილქოლინის სინთეზში.

ვიტამინი B₆ (პირიდოქსინის ჰიდროქლორიდი) ზრდის გონებრივ და ფიზიკურ შრომისუნარიანობას, არეგულირებს გლუკოზის დონეს სისხლში, ახდენს ფარისებრი ჯირკვლის, თირკმელზედა და სასქესო ჯირკვლების მუშაობის ნორმალიზებას, აუმჯობესებს ნივთიერებათა ცვლას ნერვულ ქსოვილში.

ფოლიუმის მჟავა (ვიტამინი B₉) აუცილებელია ქსოვილების ზრდის, განვითარების და პროლიფერაციის პროცესების ნორმალური მიმდინარეობისათვის, კერძოდ, სისხლმბადი ფუნქციისათვის და ემბრიოგენეზისათვის, ზრდის გონებრივ და ფიზიკურ შრომისუნარიანობას.

ვიტამინი B₁₂ (ციანკობალამინი) ორგანიზმში წარმოქმნის ორ აქტიურ ფორმას, მეთილკობალამინს და ადენოზილკობალამინს. მეთილკობალამინი აუცილებელია მეთიონინსინთეტაზას ნორმალური დონის რეგულაციისთვის, რომელიც მონაწილეობს ფოლიუმის მჟავას მეტაბოლიზმში და განაპირობებს მასთან ერთად პურინისა და პირიმიდინის ცვლას, შესაბამისად მათზეა დამოკიდებული დნმ-ის რეპლიკაცია და რეპარაცია. ვიტამინი B₁₂-ისა და/ან B₉-ის დეფიციტის დროს ირღვევა მეთიონინისა და S-ადენოზილმეთიონინის სინთეზი, რაც უარყოფითად მოქმედებს მეთილირების პროცესზე, ცილებისა და პოლიამინების ბიოსინთესზე.

ვიტამინი B₁₂– მონაწილეობს სისხლწარმოქმნის პროცესში, ასევე აუცილებელია ნერვული სისტემის ნორმალური ფუნქციონირებისთვის და ნივთიერებათა ცვლის რეგულაციისთვის.

ბიოტინი (ვიტამინი H ) შედის ფერმენტების შემადგენლობაში, რომლებიც არეგულირებენ ამინომჟავების და ცხიმოვანი მჟავების ცვლას.

ჩვენებები:

•  B ჯგუფის ვიტამინების დეფიციტი;

•  პერიფერიული ნევრიტები და პოლინევრიტები, ნევრალგია, პერიფერიული დამბლები, რადიკულიტები, ლუმბაგო;

•  გამოჯანმრთელების პერიოდი გადატანილი დაავადებების შემდეგ, მათ შორის პოსტოპერაციული პერიოდი;

•  მომატებული ფიზიკური და გონებრივი დატვირთვა, ქრონიკული დაღლილობა;

•  ყურადღების და კონცენტრაციის მოშლა;

•  არასრულფასოვანი და არაბალანსირებადი კვება;

•  ჰეპატიტი და ღვიძლის ფუნქციური უკმარისობა;

•  სხვადასხვა ეტიოლოგიის ანემიები;

•  ართრიტები, ოსტეოართროზი, რევმატიზმი, რევმატოიდული ართრიტი და სხვა.

•  სისხლის მიმოქცევის ქრონიკული უკმარისობის კომპლექსური მკურნალობა;

•  ორსულთა ტოქსიკოზები, მშობიარობის შემდგომი და ლაქტაციის პერიოდი;

•  კერატიტი, ირიტი, კატარაქტა, რქოვანის წყლული;

უკუჩვენება:  

მომატებული მგრძნობელობა პრეპარატის კომპონენტების მიმართ.

ბავშვთა ასაკი 6 წლამდე.

გვერდითი მოქმედება:

იშვიათ შემთხვევებში კუჭის გაღიზიანება.

მიღების წესი და დოზირება:

მიიღება პერორალურად ჭამის დროს ან ჭამის შემდეგ ჭიქა წყლის მიყოლებით.

მოზრდილებში მიიღება 1 ტაბლეტი 1-2-ჯერ დღეში;

ბავშვებში 6-დან 12 წლამდე – ½ ტაბლეტი დღეში;

12-დან 18-წლამდე – 1 ტაბლეტი ერთხელ დღეში.

ჭარბი დოზირება:

გადაჭარბებული დოზის მიღებისას მიმართეთ ექიმს.

განსაკუთრებული მითითებები:

პრეპარატის მოხმარება უარყოფითად არ მოქმედებს მძღოლის უსაფრთხოებაზე.

გამოყენება ორსულობის და ლაქტაციის დროს:

ორსულობის და ლაქტაციის დროს პრეპარატი გამოიყენება დანიშნულების თანახმად.

ურთიერთქმედება სხვა სამკურნალო საშუალებებთან:

შესწავლილი არ არის, მიმართეთ ექიმს.

გამოშვების ფორმა:

ტაბლეტი N30, ფურცელჩანართთან ერთად მუყაოს კოლოფში.

შენახვის პირობები:

შეინახეთ მშრალ, მზის სინათლისაგან დაცულ,  ბავშვებისათვის მიუწვდომელ ადგილას. 15 – 25^OC ტემპერატურაზე.

შენახვის ვადა:

მითითებულია შეფუთვასა და ბლისტერზე. არ გამოიყენოთ პრეპარატი ვადის ამოწურვის შემდეგ.

აფთიაქიდან გაცემის პირობა:

გაიცემა რეცეპტის გარეშე.

პროდუქტის და სავაჭრო მარკის მფლობელი კომპანია ,,WISE PHARM“ დიდი ბრიტანეთი.            

მწარმოებელი : ,,GRICAR CHIMICAL“ S.R.L. – იტალია.       

სლეზავიტი

წამლის ფორმა
მყარი ჟელატინის კაფსულები.

აღწერილობა: მყარი ჟელატინის კაფსულები ზომა #30, შოკოლადისფერ-ყავისფერი სახურავითა და კორპუსით, რომელიც შეიცავს მოწითალო-მოყავისფრო ერთგვაროვან ფხვნილს თეთრი ფერის ნაწილაკებით.

შემადგენლობა
კაფსულა შეიცავს
აქტიური ნივთიერებები:              თუთიის ოქსიდი    10,0 მგ
ასკორბინის მჟავა 60,0 მგ           სელენი 25,0 მგ
ვიტამინი B1 1,5 მგ             ქრომი 50,0 მგ
ვიტამინი B2 3,0 მგ             ლუტეინი 10,0 მგ
ვიტამინი B6 2,0 მგ            ზეაქსანტინი 1,0 მგ
ვიტამინი E 10,0 მგ            სპილენძის სულფატი 1,0 მგ
ვიტამინი A  1,0 მგ             მოცვის ექსტრაქტი 60,0 მგ
დამხმარე ნივთიერებები: მიკროკრისტალური ცელულოზა, სილიციუმის უწყლო კოლოიდური დიოქსიდი, მაგნიუმის სტეარატი, სიმინდის მალტოდექსტრინი.
ჟელატინის კაფსულის შემადგენლობა: ჟელატინი, ტიტანის დიოქსიდი, რკინის წითელი ოქსიდი, რკინის შავი ოქსიდი.

პრეპარატის ათქ კოდი A11AB

ფარმაკოთერაპიული ჯგუფი
პოლივიტამინები სხვა კომბინაციებში.

ფარმაკოლოგიური თვისებები
ვიტამინების, მიკროელემენტებისა და კაროტინოიდების შემცველი კომბინირებული პრეპარატი.
პრეპარატის ფარმაკოლოგიური თვისებები განპირობებულია მის შემადგენლობაში შემავალი კომპონენტების თვისებებით.
ასკორბინის მჟავა არეგულირებს კაპილარების გამტარობას, მნიშვნელოვან როლს ასრულებს მათი ელასტიურობის შენარჩუნებაში, ასტიმულირებს სისხლის ცირკულაციას მხედველობის ორგანოებში, აქვეითებს თვალშიგა წნევას. ვიტამინ C ორგანიზმში არეგულირებს ჟანგვა-აღდგენით პროცესებს და გააჩნია გამოხატული ანტიოქსიდანტური თვისებები, იცავს თვალის ქსოვილებს თავისუფალი რადიკალების დამაზიანებელი ზემოქმედებისაგან. გარდა ამისა გააჩნია ანტიმიკრობული მოქმედება და ასევე ხელს უწყობს ჭრილობების შეხორცებას. მთლიანად ორგანიზმზე ახასიათებს მასტიმულირებელი მოქმედება, ამაღლებს მის ადაპტაციურ შესაძლებლობებს და წინააღმდეგობის უნარს ინფექციებისადმი და არასასურველი მოქმედებებისადმი.
ვიტამინი B1 მონაწილეობს ნერვულ ბოჭკოებში იმპულსების გადაცემაში. მონაწილეობს ნერვული, გულ-სისხლძარღვთა, ენდოკრინული სისტემის ფუნქციონირების კოორდინაციაში. ასრულებს საკვანძო როლს ენერგეტიკული მეტაბოლიზმის ნორმალური მიმდინარეობის უზრუნველყოფაში.
ვიტამინი B2   მონაწილეობს ნახშირწყლოვან, ცილოვან და ცხიმოვან ცვლაში , ჰემოგლობინისა და ერითროპოეტინის სინთეზში. აუცილებელია ნორმალური მხედველობის ფუნქციის შესანარჩუნებლად.
ვიტამინი B6 კოფერმენტის სახით  მონაწილეობს ამინომჟავებისა და ნახშირწყლების მეტაბოლიზმში. უზრუნველყოფს ცენტრალური და პერიფერიული ნერვული სისტემის ნორმალურ ფუნქციონირებას, დადებითად მოქმედებს ფიზიკურ შრომისუნარიანობაზე, იცავს ნერვული და იმუნური სისტემის ფუნქციას. 
ვიტამინი E გააჩნია ანტიოქსიდანტური თვისებები, ხელს უწყობს ერითროციტების სტაბილურობას; ახდენს დადებით მოქმედებას სასქესო ჯირკვლების, ნერვული და კუნთოვანი ქსოვილის ფუნქციაზე. მონაწილეობს ქსოვილოვანი სუნთქვის პროცესებში, გავლენას ახდენს შინაგანი სეკრეციის ჯირკვლების ფუნქციაზე, ანელებს ორგანიზმში ქსოვილების დაბერების პროცესებს.
ვიტამინი A მხედველობის პიგმენტის როდოფსინის შემადგენელი ნაწილის სახით დიდი მნიშვნელობა ენიჭება მხედველობის ფუნქციის შენარჩუნებაში, უზრუნველყოფს მხედველობის ანალიზატორის ნორმალურ მოქმედებას და სინათლის აღქმას. ეფექტურია ჰემერალოპიის (ქათმის სიბრმავე), ბადურას და რქოვანას დაავადებების დროს. მონაწილეობს კანისა და ლორწოვანი გარსების რეგენერაციის პროცესებში.
თუთია ხელს უწყობს ვიტამინ A შეწოვას ბადურაში. თუთია აუცილებელია ინსულინის, სასქესო ჯირკვლების ჰორმონების სინთეზის, ლიმფოიდური ქსოვილების ნორმალური აქტივობისთვის. თუთია იცავს თვალს მკვეთრი შუქით, ულტრაიისფერი გამოსხივებითა და ჟანგვითი სტრესის სხვა ფორმებით გამოწვეული დაზიანებისგან. თუთიის დეფიციტს ორგანიზმში უკავშირებენ ბადურის ჩამოშლას, ფერების აღქმის მოშლას და კატარაქტის განვითარებას.
სელენი  – ბუნებრივი ანტიოქსიდანტი, ამაღლებს იმუნიტეტს. თანმხლებ ვიტამინებთან A, E და C ერთად ახასიათებს გამოხატული ანტიოქსიდანტური მოქმედება, არასასურველი ფაქტორების მოქმედების პირობებში ამაღლებს ორგანიზმის ადაპტაციურ შესაძლებლობებს. 
ქრომი მონაწილეობს ნახშირწყლოვანი ცვლის და სისხლში გლუკოზის დონის რეგულაციაში, უზრუნველყოფს ცხიმოვან და ქოლესტერინულ ცვლის ნორმალიზაციას, ზრდის ქსოვილების უჯრედული რეცეპტორების მგრძნობელობას ინსულინის მიმართ. მიკროელემენტს დიდი მნიშვნელობა აქვს შაქრიანი დიაბეტის, მხედველობის დაქვეითებასთან დაკავშირებული დაავადებების, გულ-სისხლძარღვთა დაავადებების პროფილაქტიკაში. 
ლუტეინი და ზეაქსანტინი  – კაროტინოიდები, რომლებიც აუცილებელია თვალის ბადურას ნორმალური ფუნქციონირებისათვის, ძირითადი კომპონენტები ანტიოქსიდანტური სისტემის იცავს თვალს ულტრაიისფერი გამოსხივების დამაზიანებელი ზემოქმედებისაგან. ლუტეინი და ზეაქსანტინი მდებარეობს რა ბროლზე და ბადურაზე უზრუნველყოფენ უჯრედის ფოტორეცეპტორების დაცვას ჟანგვითი რადიკალებისგან, რომლებიც წარმოიქმნებიან თვალზე სხვადასხვა წარმოშობის გამოსხივების არასასურველი მოქმედებისას. თვალის ქსოვილებში ლუტეინის და ზეაქსანტანის დაბალი შემცველობა იწვევს თვალის შესაძლებლობების დასუსტებას  არასასურველი ფაქტორების მოქმედებისადმი, ხანგრძლივი მხედველობითი გადატვირთვის, კომპიუტერის გამოსხივებისადმი. 
სპილენძი – წარმოადგენს მრავალი ბიოქიმიური რეაქციების კატალიზატორს. მონაწილეობს მელანინის სინთეზში. არსებით როლს ასრულებს კოლაგენისა და ელასტინის წარმოქმნაში, წარმოადგენს აუცილებელ კომპონენტს რკინის ცვლაში, მნიშვნელოვან როლს ასრულებს სისხლწარმოქმნის პროცესში.
მოცვის ანტოციანოზიდები ასტიმულირებენ მხედველობის პიგმენტის როდოფსინის სინთეზსა და რეგენერაციას, ხელს უწყობს მხედველობის სიმახვილის მომატებას, აუმჯობესებს სიბნელეში და შემცირებული განათების პირობებში ადაპტაციას. 

გამოყენების ჩვენებები
სლეზავიტის გამოყენება რეკომენდებულია კომპლექსურ თერაპიაში  შემდეგი მდგომარეობების დროს:
-ხანგრძლივი კითხვის, კომპიუტერთან მუშაობის, კონტაქტური ლინზების ტარების, ავტომობილის ხანგრძლივად  მართვის, მკვეთრი განათების ზემოქმედების შედეგად თვალების დაბინდვა და დაღლა (ასთენოპური სინდრომი, მხედველობითი დაღლილობის სინდრომი);
-ჰემერალოპია (ცუდი განათების პირობებში ან მისი არ არსებობისას მხედველობითი ადაპტაციის გაუარესება);
-ოფთალმოლოგიური ოპერაციების შემდეგ აღდგენითი პერიოდი;
-ბადურას პერიფერიული და ცენტრალური დისტროფია (ქორიორეტინული დისტროფია);
-პირველადი გლაუკომა;
-კატარაქტის მკურნალობა და პროფილაქტიკა;
-ბადურას ასაკობრივი ცვლილებები, დეგენერაციული პროცესები, რეფრაქციის ანომალიები;
-მიოპია, აკომოდაციის დარღვევები;
-რეტინოპათიების მკურნალობა და პროფილაქტიკა შაქრიანი დიაბეტით და არტერიული ჰიპერტენზიით დაავადებულ პაციენტებში;
-ქსეროფთალმია;
-კერატომალაცია;
-კონტაქტური ლინზების ტარებისას გართულებების პროფილაქტიკა.

გამოყენების წესი და დოზირება
მოზრდილებსა და 3 წელზე უფროსი ასაკის ბავშვებში გამოიყენება პრეპარატი სლეზავიტის თითო კაფსულა დღეში ერთჯერ ჭამის დროს. პაციენტებს, რომელთაც არ შეუძლიათ კაფსულის გადაყლაპვა, კაფსულა აუცილებლად უნდა გაიხსნას, მისი შემცველობა მოთავსდეს კოვზზე და შეერიოს მცირე რაოდენობის სითხე.
რეკომენდებული კურსის ხანგრძლივობა შეადგენს 1 – 3 თვეს.
გამოყენების წინ რეკომენდებულია ექიმთან კონსულტაცია.

უკუჩვენებები
-ინდივიდუალური აუტანლობა ან პრეპარატის სლეზავიტი კომპონენტების მიმართ მომატებული მგრძნობელობა;
-3 წლამდე ბავშვთა ასაკი.

გვერდითი მოვლენები
შესაძლებელია ალერგიული რეაქციები.

განსაკუთრებული მითითებები
დოზის გადაჭარბება რეკომენდებული არ არის.
პრეპარატის გამოყენებისას შესაძლებელია შარდის ინტენსიურ ყვითელ ფერად შეფერადება (რაც განპირობებულია პრეპარატის შემადგენლობაში რიბოფლავინის არსებობით, რომელსაც კლინიკური მნიშვნელობა არ გააჩნია).

გამოყენება ორსულობისა და ლაქტაციის პერიოდში
ორსულობისა და ლაქტაციის პერიოდში პრეპარატის გამოყენების შესაძლებლობას ინდივიდუალურად განსაზღვრავს ექიმი. მონაცემები პრეპარატის გამოყენების განსაკუთრებულობის შესახებ ორსულობისა და ლაქტაციის პერიოდში არ არსებობს.

ურთიერთქმედება სხვა სამკურნალო საშუალებებთან
ჭარბი დოზირების თავიდან აცილების მიზნით არ არის რეკომენდებული ერთდროული გამოყენება სხვა პოლივიტამინურ კომპლექსებთან ერთად.

დოზის გადაჭარბება
შემთხვევითი ჭარბი დოზირებისას პაციენტმა უნდა მიმართოს ექიმს.
მკურნალობა : აქტივირებული ნახშირის მიღება, კუჭის ამორეცხვა; აუცილებლობისას – სიმპტომური თერაპიის ჩატარება.

გამოშვების ფორმა
მყარი ჟელატინის კაფსულები. 15 კაფსულა ბლისტერში.
2 ბლისტერი მუყაოს კოლოფში გამოყენების ინსტრუქციასთან ერთად.

შენახვის პირობები
ინახება სინათლისა და ტენისაგან დაცულ, არა უმეტეს 25°ჩ ტემპერატურაზე. ინახება ბავშვებისათვის მიუწვდომელ ადგილას!

ვარგისიანობის ვადა
3 წელი გამოშვების თარიღიდან.
არ გამოიყენება ვარგისიანობის ვადის გასვლის შემდეგ.

აფთიაქიდან გაცემის პირობები
გაიცემა ურეცეპტოდ.

BonArs

ბონარსი

შემადგენლობა:

ბონარსის ყოველი 10 მლ შეიცავს: კალციუმის კარბონატი  – 510 მგ (200 მგ კალციუმის სახით), მაგნიუმის ჰიდროქსიდი – 298,53 მგ (120 მგ მაგნიუმის სახით), თუთია – 5 მგ, ვიტამინი D3 – 10 მკგ.

დამხმარე ნივთიერებები : დემინერალიზებული წყალი, მცენარეული გლიცეროლი, ფრუქტოზა, 80-პოლისორბატი, ქსანტანის ფისი, პოტასიუმ სორბატი,  პიტნის და ფორთოხლის ეთერზეთები,  მეთილ პაროქსიბენზოატი, პროპილ პარადოქსიბენზოატი.

ფარმაკოდინამიკა:  ბონარსის შემადგენლობაში შემავალი კომპონენტები არეგულირებს კალციუმის ცვლას, ზრდის ძვლის სიმკვრივეს, აკმაყოფილებს ორგანიზმის დღე-ღამურ მოთხოვნილებას ვიტამინი D3 , თუთიასა და მაგნიუმზე.

კალციუმი აუცილებელია ძვლოვანი ქსოვილის ფორმირებისთვის, კბილების მინერალიზაციისთვის, ნერვების ნორმალური გამტარებლობისთვის და კუნთოვანი ბოჭკოების შესაკუმშად. არის მთელი რიგი ფერმენტების მარეგულირებელი, რომლებიც სისხლის შედედებაზე მოქმედებენ. გააჩნია ანტისტრესული და ანტიალერგიული მოქმედება, ხელს უწყობს ორგანიზმიდან მძიმე მეტალების, მარილებისა და რადიონუკლეიდების გამოყვანას.

ვიტამინი D3 –  ანტირაქიტული ფაქტორია. ორგანიზმში არეგულირებს კალციუმის ცვლას (ააქტივებს კალციუმის შეწოვას კუჭ-ნაწლავის ტრაქტიდან), ხელს უწყობს ძვლების მინერალიზაციას, ძვალ-სახსართა სისტემის ზრდასა და განვითარებას. აუცილებელია პარაფარისებრი ჯირკვლების ფუნქციონირებისთვის. ვიტამინი D3 ლიმფოკინების სინთეზზე ზემოქმედების გზით მონაწილეობს იმუნური სისტემის ჩამოყალიბებასა და ფუნქციონირებაში.

მაგნიუმი – აქტიურებს ფერმენტების 76%  ორგანიზმში, მასზე დამოკიდებულია 350 ბოიქიმიური და ბიოელექტრული რეაქციები. აუცილებელია ძლიერი ძვლების და კბილების ფორმირებისთვის, ასევე გულის, ფილტვების, ისჯირკვლებ და ქსოვილების ნორმალური ფუნქციონირებისთვის.

თუთია – აუმჯობესებს ტვინის მუშაობას და დიდი გავლენა აქვს ნერვულ სისტემაზე. ორგანიზმის სრულფასოვანი ზრდა – განვითარებისთვის და იმუნური სისტემის ფუნქციონირებისთვის არის შეუცვლელი მიკროელემენტი.

ჩვენებები:

• კალციუმის, მაგნიუმის, თუთიის და ვიტამინი D3 დეფიციტის შევსება ბავშვებში ინტენსიური ზრდის პერიოდში
• კბილების მინერალიზაციისათვის მათი ამოჭრის პერიოდი
• კარიესის პროფილაქტიკა
• რაქიტის მკურნალობა და პროფილაქტიკა
• მოტეხილობების და ტრავმებისას ბავშვთა ასაკში

უკუჩვენება:

ჰიპერმგრძნობელობა პრეპარატის აქტიური ან არააქტიური ნივთიერებების მიმართ ;

ჰიპერკალციემია , ჰიპერკალციურია.

დოზირება:  

• 0-დან 1წლამდე –  2,5 მლ 1- 2-ჯერ დღეში.
• 1-დან 3 წლამდე –  5 მლ  2-ჯერ დღეში.
• 3- დან 6 წლამდე 5 მლ  2-3 – ჯერ დღეში.
• 6- დან 12 წლამდე 10 მლ  2 – ჯერ დღეში.

გამოყენების წინ აუცილებელია ფლაკონის შენჯღრევა.

გამოშვების ფორმა: სიროფი, 200 მლ, მუქი ფლაკონი, მზომი ჭიქით.

მწარმოებელი:  ERBOZETA S.P.A.,  სან მარინო.

ქვეყანა: თურქეთი

მწარმოებელი: დევა ჰოლდინგი

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად