სელენაზა RP

აქტიური ნივთიერება: ნატრიუმის სელენიტ-პენტაჰიდრატი

79 მკგ სელენი ყოველ ტაბლეტში

1. რას წარმოადგენს სელენაზა® RP  ტაბლეტები და რისთვის გამოიყენება? 

სელენაზა® RP ტაბლეტები არის მიკროელემენტების პრეპარატი. 

გამოყენების ჩვენებები:

დადასტურებული სელენის დეფიციტი, რომლის აღდგენაც საკვების მიღებით შეუძლებელია:

სელენის ნაკლებობა შესაძლოა გამოწვეული იყოს შემდეგით:

– მალდიგესტიის და მალაბსორბციის მდგომარეობით (საჭმლის მონელების დარღვევის ან დასუსტების შედეგად)

– შეზღუდული ან არასრულფასოვანი კვების შედეგად.

2. რას უნდა მიაქციოთ ყურადღება სელენაზა® RP ტაბლეტების გამოყენებამდე?

სელენაზა® RP ტაბლეტების მიღება არ შეიძლება შემდეგ შემთხვევებში:

– თუ აღინიშნება ჰიპერმგრძნობელობა (ალერგია) ნატრიუმის სელენიტ-პენტაჰიდრატის ან სელენაზა® RP ტაბლეტების შემადგენლობაში შემავალი ნებისმიერი დამხმარე ინგრედიენტის მიმართ. 

– სელენით ინტოქსიკაციის დროს. 

საჭიროა განსაკუთრებული სიფრთხილე სელენაზა® RP ტაბლეტების მიღების დროს

გთხოვთ მიაქციოთ ყურადღება ინფორმაციას პუნქტში ,,მნიშვნელოვანი ინფორმაცია სელენაზა® RP  ტაბლეტების დამხმარე ინგრედიენტების შესახებ‘‘.

სელენაზა® RP ტაბლეტების მიღება სხვა მედიკამენტებთან ერთად

გთხოვთ აცნობოთ ექიმს ან ფარმაცევტს, თუ იღებთ ნებისმიერ სხვა მედიკამენტს ან ცოტა ხნის წინ მიიღეთ, იმ შემთხვევაშიც კი თუ ეს მედიკამენტი გაიცემა რეცეპტის გარეშე. 

სელენაზა® RP ტაბლეტებში შემავალი ნატრიუმის სელენიტ-პენტაჰიდრატმა შესაძლოა მინერალურ ნივთიერებებთან ან მიკროელემენტებთან ერთად გამოყენებისას დაასუსტოს მათი ეფექტი. უნდა მოერიდოთ C ვიტამინთან ერთდროულ გამოყენებას. 

გთხოვთ მიაქციოთ ყურადღება, რომ ეს ინფორმაცია ეხება ასევე ცოტა ხნის წინ მიღებულ მედიკამენტებსაც. 

ორსულობა და ლაქტაციის პერიოდი

დანიშნულების მიხედვით გამოყენების შემთხვევაში არ არსებობს რაიმე სახის შეზღუდვები.

მიმართეთ ექიმს ან ფარმაცევტს ნებისმიერი მედიკამენტის მიღების/გამოყენების წინ. 

ბავშვები და ხანდაზმული პაციენტები

დანიშნულების მიხედვით გამოყენების შემთხვევაში არ არსებობს რაიმე სახის შეზღუდვები.

ზეგავლენა ავტომობილის მართვის და მექანიზმებთან მუშაობის უნარზე

არ საჭიროებს განსაკუთრებული უსაფრთხოების ზომების მიღებას.

მნიშვნელოვანი ინფორმაცია სელენაზა® RP ტაბლეტების ზოგიერთი შემადგენელი ინგრედიენტის შესახებ

ეს მედიკამენტი შეიცავს სორბიტოლს. გთხოვთ მიიღოთ სელენაზა® RP ტაბლეტები მხოლოდ ექიმთან კონსულტაციის შემდეგ, თუ თქვენთვის ცნობილია, რომ გაქვთ ზოგიერთი შაქრის აუტანლობა. 

3. სელენაზა® RP ტაბლეტების მიღების წესი

სელენაზა® RP ტაბლეტები ყოველთვის უნდა მიიღოთ ექიმის დანიშნულების მიხედვით. გთხოვთ მიმართოთ ექიმს ან ფარმაცევტს ნებისმიერი გაურკვევლობის შემთხვევაში. 

თუ ექიმი არ დაგინიშნავთ სხვაგვარად, რეკომენდებული დოზირება შეადგენს:

1 ტაბლეტს დღეში. ექიმის მითითებით შესაძლებელია დოზირების ხანმოკლე დროის განმავლობაში 4 ტაბლეტამდე დღეში გაზრდა (დაახლ. 300 მკგ სელენი).   

მიღების წესი:

სელენაზა® RP ტაბლეტები უნდა მიიღოთ სითხის მიყოლებით – რეკომენდებულია ერთ ჭიქა წყალთან ერთად მიღება. 

მიღების ხანგრძლივობა:

მკურნალობა უნდა გაგრძელდეს სელენის დონის ნორმალიზებამდე (პლაზმაში სელენის რაოდენობა 80-120 მკგ/ლ, სისხლში 100-140მკგ/ლ). რეკომენდებულია სელენის დონის რეგულარული კონტროლი.

დამატებითი კითხვების შემთხვევაში მედიკამენტის გამოყენების შესახებ მიმართეთ ექიმს ან ფარმაცევტს. 

4. მოსალოდნელი გვერდითი ეფექტები

დანიშნულების მიხედვით გამოყენების შემთხვევაში გვერდითი ეფექტები ამ დრომდე არ გამოვლენილა.

გვერდითი ეფექტების შეტყობინება

თუ შენიშნავთ გვერდით მოვლენებს, უნდა აცნობოთ ექიმს, ფარმაცევტს ან სამედიცინო პერსონალს. ეს ეხება ასევე გვერდით მოვლენებს, რომლებიც არ არის აღწერილი ამ ინსტრუქციაში. თქვენ შეგიძლიათ ასევე ინფორმაცია გვერდითი მოვლენების შესახებ უშუალოდ აცნობოთ წამლის და სამედიცინო პროდუქტის ფედერაციულ ინსტიტუტს, ფარმაკოლოგიურ განყოფილებას

5. სელენაზა® RP ტაბლეტების შენახვის პირობები

მედიკამენტი შეინახეთ ბავშვებისათვის მიუწვდომელ ადგილას.

არ შეიძლება მედიკამენტის გამოყენება შეფუთვაზე აღნიშნული ,,ვარგისობის ვადის’’ გასვლის შემდეგ.

შენახვის პირობები:

ინახება არაუმეტეს 30°C ტემპერატურაზე!

6. დამატებითი ინფორმაცია

რას შეიცავს სელენაზა® RP ტაბლეტები

აქტიური ნივთიერება არის ნატრიუმის სელენიტ-პენტაჰიდრატი. 

1 ტაბლეტი შეიცავს 263 მკგ ნატრიუმის სელენიტ-პენტაჰიდრატს, შეესაბამება 79 მკგ სელენს. 

დამხმარე ნივთიერებებია:

მიკროკრისტალური ცელულოზა, სორბიტოლი (Ph.Eur..), პოვიდონი K25, მაგნიუმის სტეარატი (Ph.Eur..), სტეარინ პალმიტინის მჟავა. 

სელენაზა® RP ტაბლეტების გარეგნული სახე და შეფუთვის შემადგენლობა

პვქ/პე/პვდქ- და ალუმინის ფოლგის ბლისტერული შეფუთვები შეიცავენ თეთრ ტაბლეტებს. 

ორიგინალი შეფუთვა შეიცავს 50 ტაბლეტს (N2)

ორიგინალი შეფუთვა შეიცავს 100 ტაბლეტს (N3)

შესაძლოა ყველა შეფუთვა არ იყოს რეალიზაციაში. 

გაცემის წესი: 

ფარმაცევტული პროდუქტის ჯგუფი III, გაიცემა რეცეპტის გარეშე. 

სელეზინ ACE #30ტ

• საერთაშორისო დასახელება (აქტიური ნივთიერება): comb. drug
• კლინიკურ-ფარმაკოლოგიური ჯგუფი: ბიოლოგიურად აქტიური დანამატები ნივთიერებათა ცვლის დარღვევები → ქსოვილებში ნივთიერებათა ცვლაზე მოქმედი საშუალებები
• მწარმოებელი კომპანია: Walmark
• მწარმოებელი ქვეყანა: ჩეხეთი
• გამოშვების ფორმა: ტაბლეტი #30
• გაცემის რეჟიმი: III ჯგუფი (ურეცეპტოდ)

შემადგენლობა
სელენი – 100 მკგ., თუთია – 15 მგ., ვიტამინი A– 1000 მკგ., ვიტამინი C – 90 მგ., ვიტამინი E – 45 მგ., ვიტამინი  B6 – 2,2 მგ.

ფარმაკოლოგიური თვისებები
სელენი შედის გლუტათიონპეროქსიდაზას შემადგენლობაში, რომელიც ორგანიზმში არსებული ყველაზე ძლიერი ანტიოქსიდანტია. სელენი იცავს ორგანიზმს მძიმე მეტალებისა და სხვადასხვა ტოქსინების მავნე ზემოქმედებისაგან მათი ნეიტრალიზაციის გზით. თუთია მონაწილეობს 300-ზე მეტ ფერმენტულ რეაქციაში. უერთდება ცილა ,,გასტინს”, რომელიც მონაწილეობს გემოსა და სუნის აღქმაში. თუთიის დეფიციტის დროს ირღვევა ბადურა გარსში ბოიქიმიური რეაქციების ნორმალურად მიმდინარეობის პროცესი და ვითარდება მისი მაკულოდისტროფია. ვიტამინი A  მნიშვნელოვანი კომპონენტია მხედველობისათვის. რეტინოლი უზრუნველჰყოფს კანის, თმის, ფრჩხილების სიჯანსაღეს. ვიტამინი ჩ ძლიერი ანტიოქსიდანტია, აქტიურად მონაწილეობს უჯრედშიდა ჟანგვა-აღდგენით რეაქციებში. ზრდის ორგანიზმის მდგრადობას სტრესისა და ინფექციებისადმი. აუმჯობესებს რკინისა და კალციუმის ათვისებას. ვიტამინი E ძლიერი ანტიოქსიდანტია, აფერხებს უჯრედის დაბერების პროცესს. აუცილებელია ქსოვილების რეგენერაციისათვის. ხელს უწყობს კუნთების ნორმალურ ფუნქციონირებას და სისხლწარმოქმნის პროცესს.  ვიტამინი B6  არეგულირებს არტერიულ წნევას და გულის რითმს. აუმჯობესებს თავის ტვინის მუშაობას, მეხსიერებას. აუცილებელია ცილების, ცხიმებისა და ნახშირწყლების ცვლისათვის.      

ფარმაკოლოგიური მოქმედება
სელეზინი  ACE  იცავს უჯრედებს თავისუფალი რადიკალებით გამოწვეული დაზიანებისაგან. აუმჯობესებს გულის კუნთისა და ნერვების გამტარებლობით ფუნქციას, ამცირებს  გულ-სისხლძარღვთა დაავადებების განვითარების რისკს. სელეზინი  ACE  ბოჭავს და აუვნებელჰყოფს ტოქსინებს, იცავს ღვიძლს დაზიანებისაგან. ზრდის ერითროციტების რეზისტენტობას, აუმჯობესებს ქსოვილების ტროფიკას. ასტიმულირებს ზოგიერთი ჰორმონის სინთეზს, აუმჯობესებს უჯრედების მიერ გლუკოზის შეთვისებას. აძლიერებს იმუნიტეტს. სელეზინი  ACE აუმჯობესებს მხედველობის, ყნოსვისა და გემოს აღქმას.  იცავს ორგანიზმს სიმსივნის წარმოქმნისაგან.            

ჩვენებები
*ვეგეტოასთენია, სტრესი, დეპრესია, 
*ხშირი ავადობა, ხანშიშესული პაციენტები, 
*ნებისმიერი გენეზის ინტოქსიკაცია, ალკოჰოლიზმი, ნარკომანია, 
*მხედველობის ორგანოს დაავადებები: კატარაქტა, მაკულოდისტროფია, ჰემერალოპია, კომპიუტერთან ხანგრძლივი მუშაობა, მანქანის ტარება, კონტაქტური ლინზების გამოყენება,
 *სმენის დაქვეითება, ჰიპოოსმია, აგევზია, დისგევზია, 
*სხივური და ქიმიოთერაპიის შემდგომი პერიოდი,
*შაქრიანი დიაბეტი, ჭარბი წონა, 
*ჰიპოთირეოზი, თირეოიდიტი, 
*ინფანტილიზმი, ფიზიკური და სქესობრივი ზრდა-განვითარების შეფერხება, სტერილობა ქალებშიც და მამაკაცებშიც, 
*სისტემური დაავადებები, 
*კანისა და მისი დანამატების ტროფიკის მოშლა, 
*ეკოლოგიურად დაბინძურებულ გარემოში ცხოვრება და მუშაობა. 

დოზირება
მიიღება 1 აბი  ერთჯერ დღეში 12 წლიდან.  

შენახვის პირობები
ინახება მშრალ, ბავშვებისთვის მიუწვდომელ ადგილას, არაუმეტეს 25*ჩ ტემპერატურაზე.

აფთიაქიდან გაცემის წესი
გაიცემა ურეცეპტოდ. 

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

ართროსტოპ კრემი / Arthrostop cream

• საერთაშორისოდასახელება (აქტიურინივთიერება): comb. drug
• კლინიკურ–ფარმაკოლოგიურიჯგუფი: ბიოლოგიურად აქტიური დანამატები ნივთიერებათა ცვლის დარღვევები → შემაერთებელ ქსოვილში ნივთიერებათა ცვლაზე მოქმედი საშუალებები →ხრტილის ქსოვილში ნივთიერებათა ცვლაზე მოქმედი პრეპარატები
• მწარმოებელი კომპანია: Walmark
• მწარმოებელი ქვეყანა: ჩეხეთი
• გამოშვების ფორმა: 100 მლ ტუბი #1
• გაცემის რეჟიმი: III ჯგუფი (ურეცეპტოდ)

შემადგენლობა: გლუკოზამინის სულფატი მსმ (მეთილსულფონილმეთანი) ბოსველიის ექსტრაქტი მენთოლი, ქაფური, მეთილსალიცილატი, ღვიის ზეთი, ევკალიპტის ზეთი, სელის თესლის ზეთი.

ფარმაკოლოგიური მოქმედება:  ართროსტოპ კრემი ამცირებს ტკივილს სახსრებში. მის შემადგენლობაში არსებული ნივთიერებები იწვევს დაზიანებული კერის გახურებას, ტკივილის შემცირებას და მოძრაობის უნარის გაუმჯობესებას.

ფარმაკოლოგიური თვისებები: გლუკოზამინი საჭიროა ხრტილების, იოგების, მყესების, შემაერთებელი ქსოვილისა და სინოვიური სითხის ფორმირებისთვის. შეწოვის შემდეგ გლუკოზამინი მოხვდება ხრტილოვან ქსოვილში, სადაც იწყებს ყველაზე მნიშვნელოვანი მუკოპოლისაქარიდების წარმოქმნის სტიმულირებას. გლუკოზამინი მოქმედებს  დაავადების მიზეზზე და არა დაავადების სიმპტომებზე (რაც ახასიათებს ასას-ს), გლუკოზამინი მოქმედებს ასევე გოგირდის ფიქსაციის პროცესზე, (გოგირდის წყარო ამ შემთხვევაში მსმ- მეთილსულფონილმეთანია), რის გამოც ხდება ტკივილგამაყუჩებელი მოქმედების გაძლიერება. მეთილსულფონილმეთანი (გოგირდი) – ადვილად ათვისებადი ბიოლოგიურად აქტიური ნივთიერებაა, იგი ორგანული გოგირდის წყაროა. მსმ-ი მნიშვნელოვნად აძლიერებს პრეპარატის შემადგენლობაში არსებული ნივთიერებების მოქმედებას, ხელს უწყობს ტოქსინების გამოყოფას ორგანიზმიდან, შემაერთებელი ქსოვილის, ხრტილებისა და ძვლების აღდგენას. გააჩნია ძლიერი ანთების საწინააღმდეგო და ტკივილგამაყუჩებელი ეფექტი. მსმ-ი ხელს უწყობს ჭრილობების შეხორცებას, ამცირებს ტრავმისშემდგომი მკურნალობის კურსის ხანგრძლივობას საყრდენ-მამოძრავებელ აპარატზე  გაზრდილი ფიზიკური დატვირთვის დროს. ბოსველიის ექსტრაქტს ახასიათებს გამოხატული ანთების საწინააღმდეგო მოქმედება, აჩერებს ლეიკოტრიენების სინთეზს; ასას-საგან განსხვავებით, ბოსველიას არ ახასიათებს გვერდითი მოვლენები, როგორიც არის: კნტ-ის ლორწოვანი გარსის გაღიზიანება, გასტრიტი და წყლულოვანი დაავადება, ჭინჭრის ციება, ბრონქოსპაზმი  და ა.შ; მეთილსალიცილატს ახასიათებს ტკივილგამაყუჩებელი და ანთების საწინააღმდეგო მოქმედება, რომლის გაძლიერება ხდება ტერპენტინის (სკიპიდარის) და სხვა ცხიმოვან ზეთებთან კომბინაციაში მისი გამოყენების დროს. მენთოლი – ადგილობრივი გამღიზიანებელი საშუალებაა, კანის ზედაპირზე წასმისას ახასიათებს ადგილობრივი ანთებისსაწინააღმდეგო მოქმედება, რომელსაც თან ახლავს ტკივილის სინდრომის შემცირება; ქაფური – აძლიერებს სისხლის მიმოქცევას. ღვიის ზეთი – შეიცავს ბიოლოგიურად აქტიური ნივთიერებების რთულ კომპლექსს, რომელთაც ახასიათებს ძლიერი   ანთების საწინააღმდეგო, მადეზინფიცირებელი  და ანტისეპტიკური მოქმედება კანზე. კარგად შეიწოვება და ადვილად აღწევს  კანის უჯრედებში. გააჩნია აგრეთვე  ვიტამინიზაციის და რეგენერაციის ეფექტი; ევკალიპტის ზეთი – ახასიათებს ანტისეპტიკური და ანთების საწინააღმდეგო მოქმედება; სელის თესლის ზეთი – ბუნებრივი წარმოშობის ნივთიერებაა, ახასიათებს ადგილობრივი გამაღიზიანებელი მოქმედება, ანალგეზიური და ანტისეპტიკური  ეფექტი.

ჩვენებები: 

*სახსრების დაავადებები, მათ შორის ართრიტები, ართროზები, ოსტეოქონდროზი *ოსტეოართროზის პროფილაქტიკა გაზრდილი ფიზიკური დატვირთვის  დროს, მათ შორის სპორტსმენებში
*ტრავმისშემდგომი რეაბილიტაციის პერიოდი

გამოყენების წესი და დოზირება: გარეგანი გამოყენებისთვის.
შეიზილეთ დაზიანების კერაში წრიული მოძრაობით რამდენიმე წუთის განმავლობაში, დღეში რამდენჯერმე.
გამოშვების ფორმა: კრემი 100 მლ.-იან ტუბში, საკვები დანამატი
აფთიაქიდან გაცემის წესი: გაიცემა ურეცეპტოდ.

ქვეყანა: იტალია

მწარმოებელი: ოფლ

გაცემის ფორმა: III ჯგუფი ურეცეპტო

ართროვინი

ARTHROVIN

სავაჭრო დასახელება: ართროვინი

საერთაშორისო არაპატენტირებული დასახელება: ქონდროიტინის სულფატი

წამლის ფორმა: ხსნარი ინტრამუსკულური შეყვანისთვის.

შემადგენლობა:

პრეპარატის 1 მლ შეიცავს:

აქტიურ ნივთიერებას: ქონდროიტინი ნატრიუმის სულფატს 100 მგ;

დამხმარე ნივთიერებებს: ბენზილის სპირტს, ნატრიუმის ჰიდროქსიდს ან ქლორწყალბადის მჟავას, საინექციო წყალს.

აღწერა: უფერული, გამჭვირვალე სითხე.

ფარმაკოთერაპევტული ჯგუფი: ქსოვილების ტროფიკისა და რეგენერაციის სტიმულატორი

ათქ–ს კოდი: M01AX25.

ფარმაკოლოგიური თვისებები

ფარმაკოდინამიკა

პრეპარატი, რომელიც მოქმედებს ჰიალინის ცვლით პროცესებზე ხრტილში. ამცირებს დეგენერაციულ ცვლილებებს სახსრების ხრტილოვან ქსოვილში, ასტიმულირებს გლუკოზამინოგლიკანების ბიოსინთეზს.

ქონდროიტინი წარმოადგენს მაღალმოლეკულურ მუკოპოლისაქარიდს, რომელიც მნიშვნელოვანი რაოდენობითაა შემაერთებელი ქსოვილის სხვადასხვა სახეობებში, განსაკუთრებით ხრტილოვან (ემსახურება დამატეით სუბსტრატის სახით ხრტილოვანი მატრიქსის წარმოქმნას). გავლენას ახდენს ხრტილოვანი ქსოვილის ფოსფორ–კალციუმის ცვლაზე, ანელებს ძვლოვანი ქსოვილის რეზორბციას და აქვეითებს კალციუმის დაკარგვას, აჩქარებს ძვლოვანი ქსოვილის აღდგენის პროცესს. აფერხებს ხრტილოვანი ქსოვილის დეგენერაციის პროცესს, ასტიმულირებს სახსროვანი ხრტილის რეგენერაციის პროცესებს, ხელს უწყობს სახსროვანი ჩანთის, სახსრების ხრტილოვანი ზედაპირების აღდგენას. ინარჩუნებს სინოვიალური სითხის სიბლანტეს, ხელს უშლის შემაერთებელი ქსოვილის შეკუმშვას და წარმოადგენს სახსრების ზედაპირის თავისებურ საპოხს; ანელებს ოსტეოართრიტის პროგრესირებას, ამსუბუქებს მის სიმპტომებს, ამცირებს აასს–ზე მოთხოვნილებას. ნორმალურს ხდის ნივთიერებათა ცვლას ჰიალინის ქსოვილში, ასტიმულირებს ჰიალურონის, პროტეოგლიკანებისა და II ტიპის კოლაგენის წარმოქმნას და იცავს მათ ფერმენტული დაშლისგან, მ.შ. ლიზოსომური ფერმენტებისგან, რომლებიც იწვევს შემაერთებელი ქსოვილის დაზიანებას.

ფარმაკოკინეტიკა

ქონდროიტინი ნატრიუმის სულფატი ი/მ შეყვანის შემდეგ ადვილად შეიწოვება. ინექციიდან უკვე 30 წუთის შემდეგ  სისხლში იგი ვლინდება მნიშვნელოვანი კონცენტრაციით. ქონდროიტინი ნატრიუმის სულფატის მაქსიმალური კონცენტრაცია პლაზმაში მიიღწევა 1 საათის განმავლობაში, შემდეგ თანდათანობით იკლებს 2 დღე–ღამის განმავლობაში.

ქონდროიტინი ნატრიუმის სულფატი, უმთავრესად გროვდება სახსრების წარმომქმნელ ხრტილოვან ქსოვილში. სინოვიალური გარსი არ წარმოადგენს შეფერხებას პრეპარატის სახსრების ღრუში შესაღწევად. ი/მ ინექციიდან 15 წუთის შემდეგ ქონდროიტინი ნატრიუმის სულფატი აღმოჩნდება სინოვიურ სითხეში, შემდეგ აღწევს სახსროვან ხრტილში, სადაც მაქსიმალური კონცენტრაცია ვლინდება 48 საათის შემდეგ.

ჩვენებები გამოყენებაზე

სახსრებისა და ხერხემლის დეგენერაციული დაავადებები, როგორიცაა:

• პერიფერიული სახსრების ოსტეოართროზები;
• მალთაშორისი ოსტეართროზი და ოსტეოქონდროზი.

გამოყენების წესი და დოზები

პრეპარატი ინიშნება ი/მ 1 მლ (100 მგ ქონდროიტინი ნატრიუმის სულფატი) დღეში. კარგი ამტანობის შემთხვევაში დოზა იზრდება 2 მლ–მდე (200 მგ ქონდროიტინი ნატრიუმის სულფატი), დაწყებული მეოთხე ინექციიდან. მკურნალობის კურსი – 25-30 ინექცია. საჭიროების შემთხვევაში, შესაძლებელია განმეორებითი კურსების ჩატარება 6 თვის შემდეგ.

გვერდითი მოქმედებები

კანის მხრივ: ზოგჯერ – ერითემა, ჭინჭრის ციება, დერმატიტი, მაკულოპაპულური გამონაყარი (ქავილით ან მის გარეშე) და/ან შეშუპებები; ჰემორაგიები ინექციის ადგილას.

ერთეულ შემთხვევებში – გულისრევა, ღებინება.

უკუჩვენება

• მომატებული მგრძნობელობა პრეპარატის კომპონენტების მიმართ;
• მიდრეკილება სისხლდენისადმი;
• თრომბოფლებიტები.

ურთიერთქმედება სხვა სამკურნალო პრეპარატებთან

შესაძლებელია არაპირდაპირი ანტიკოაგულანტების, ანტიაგრეგანტების, ფიბრინოლიზურების მოქმედების გაძლიერება, რაც მოითხოვს სისხლის შედედების მაჩვენებლის ხშირ კონტროლს ერთდროული გამოყენებისას.

განსაკუთრებული მითითებები

არსებობს კლინიკური მონაცემები ქონდროიტინის სულფატის გამოყენების შესახებ ათეროსკლეროზის მქონე ხანდაზმულ პაციენტებში, ამასთან აღინიშნება სისხლის პლაზმაში ქოლესტერინისა და ტრიგლიცერიდების კონცენტრაციის დაქვეითება.

გავლენა ავტოტრანსპორტისა და მექანიზმების მართვის უნარზე

ართროვინი არ ახდენს გავლენას ავტოტრანსპორტის მართვისა და პოტენციურად საშიში სახეობის საქმიანობით დაკავების უნარზე, რომლებიც მოითხოვს მაღალ ყურადღებას.

გამოყენება ორსულობასა და ლაქტაციის დროს

არ არის რეკომენდებული პრეპარატის გამოყენება ორსულობისას. მკურნალობის დროს ძუძუთი კვება უნდა შეწყდეს მონაცემების არარსებობის გამო.

გამოყენება პედიატრიაში

ბავშვებში პრეპარატ ართროვინის გამოყენების ეფექტურობის და უსაფრთხოების მონაცემები ამჟამად აღწერილი არ არის.

პრეპარატი უნდა შეინახოთ ბავშვებისათვის მიუწვდომელ ადგილას და არ გამოიყენოთ ვარგისიანობის ვადის გასვლის შემდეგ.

დოზის გადაჭარბება

დოზის გადაჭარბება აღწერილი არ არის და ნაკლებად შესაძლებელია.

გამოშვების ფორმა

ხსნარი ინტრამუსკულური შეყვანისთვის.

2 მლ 5 უფერული მინის ამპულა გადასატეხი რგოლით კონტურულ უჯრედოვან შეფუთვაში.

2 კონტურული უჯრედოვანი შეფუთვა გამოყენების ინსტრუქციასთან ერთად მუყაოს კოლოფში.

შენახვის პირობები

შეინახეთ არა უმეტეს 25ºC ტემპერატურაზე ორიგინალ შეფუთვაში.

ვარგისობის ვადა

3 წელი წარმოების თარიღიდან.

აფთიაქიდან გაცემის პირობა

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

“კ.ო. რომფარმ კომპანი ს.რ.ლ.”, რუმინეთი, ილფოვი, 075100, ქ. ოტოპენი, ეროილორის ქ., #1ა.

სავაჭრო ლიცენზიის მფლობელი:

შპს “ნექსტრა გრუპი”

საქართველო, თბილისი, 0154, ევდოშვილის ქ. 18

ქვეყანა: თურქეთი

მწარმოებელი: ვოლდ მედიცინ ილაჩ სან ვე

გაცემის ფორმა: III ჯგუფი ურეცეპტო