საერთაშორისო დასახელება:

FLUCONAZOLE

მწარმოებელი: BALKANPHARMA-RAZGRAD, ბულგარეთი

მოქმედი ნივთიერება: ფლუკონაზოლი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება.

შემადგენლობა და გამოშვების ფორმა:

კაფსულები: ბლისტერზე 8 კაფს, შეფუთვაში 1 ბლისტერი.

1 კაფს.

ფლუკონაზოლი ……….        50 მგ

კაფსულები: ბლისტერზე 8 კაფს., შეფუთვაში 2 ბლისტერი

1 კაფს.

ფლუკონაზოლი ………  100 მგ

დამხმარე ნივთიერებები:

ლაქტოზა, სიმინდის სახამებელი, სილიციუმის კოლოიდური ორჟანგი, ნატრიუმის ლაურილსულფატი, მაგნიუმის სტეარატი, ჟელატინი, E171, E172, E132;

ფარმაკოლოგიური თვისებები:

ფუნგოლონი მიეკუთვნება ტრიაზოლის წარმოებულ ანტიმიკოზურ საშუალებას. მისი მოქმედების მექანიზმი რეალიზდება სოკოს უჯრედის გარსში სტეროლების სინთეზის სპეციფიკური ინჰიბირებით. იგი ხასიათდება აქტიური მოქმედებით მიკროორგანიზმების მიმართ, რომლებიც იწვევენ სხვადასხვა სახის სოკოვან დაავადებებს როგორიცაა: Candida spp. (იმუნოდეპრესიის ფონზე გენერალიზებული ფორმის კანდიდოზის ჩათვლით), Cryptococcus neoformans და Coccidioides immitis (ქალასშიგა ინფექციების ჩათვლით), Microsporum spp. და Trichophyton spp; პრეპარატის მიმართ რეზისტენტობას იშვიათად აქვს ადგილი.

ჩვენებები:

• მძიმე სისტემური კანდიდოზური ინფექციები შარდ-სასქესო გზების ინფექციების ჩათვლით, პერიტონიტი და პნევმონია;
• ვაგინური კანდიდოზი;
• ოროფარინგული და ეზოფაგური კანდიდოზი;
• კრიპტოკოკური მენინგიტი;
• დერმატომიკოზები;
• იყენებენ აგრეთვე ქიმიოთერაპიის დროს სხივური თერაპიის შემდეგ იმუნიტეტ დაქვეითებულ პაციენტებში.

მიღების წესი და დოზირება:

მოზრდილებში ვაგინური კანდიდოზის დროს რეკომენდებული ერთჯერადი სადღეღამისო დოზა პერორალურად მიღებისას შეადგენს 150 მგ-ს. მკურნალობა გრძელდება კლინიკური სიმპტომების სრულ გაქრობამდე, სანამ ნორმას არ უბრუნდება ლაბორატორიული ტესტები, რომლებიც მიკოზურ ინფექციაზე მიუთითებენ.

შემანარჩუნებელ თერაპიას, რეციდივების თავიდან აცილების მიზნით ძირითადად იყენებენ შიდსით და კრიპტოკოკური მენინგიტით, ან რეკურენტული ოროფარინგული კანდიდოზის დროს.

ოროფარინგული კანდიდოზის დროს ფუნგოლონის რეკომენდებული ერთჯერადი დოზა შეადგენს პირველ დღეს 200 მგ-ს, და 100-100 მგ-ს დანარჩენ დღეებში.

კლინიკურ გამოჯანმრთელებას ადგილი აქვს ძირითადად რამდენიმე დღეში, მაგრამ საჭიროა მკურნალობის გაგრძელება არანაკლებ 2 კვირის განმავლობაში, რეციდივების თავიდან აცილების მიზნით.

ეზოფაგური კანდიდოზის დროს ფუნგოლონი ენიშნებათ პირველ დღეს ერთჯერადი დოზით 200 მგ და 100-100 მგ შემდეგ დღეებში, შეიძლება აგრეთვე დოზის მომატება 400 მგ-მდე., მკურნალობის კურსი შეადგენს 3 კვირას, ან სულ მცირე 2 კვირას დაავადების კლინიკური სიმპტომების გაქრობის შემდეგ.

სისტემური კანდიდოზის დროს რეკომენდებული დოზა შეადგენს 400 მგ-ს პირველ დღეს, შემდგომში კი 200 მგ-ს ერთხელ დღეში. მკურნალობის კურსი -4 კვირაა.

კრიპტოკოკოკური მენინგიტის დროს – 400 მგ პირველ დღეს და შემდგომ დღეებში 200 მგ-ს ერთხელ დღეში. ამ დროს მკურნალობის კურსის ხანგრძლივობა შეადგენს 10-12 კვირას.

შიდსით დაავადებულ ავადმყოფებში, კრიპტოკოკური მენინგიტის თავიდან აცილების მიზნით ფუნგოლონის რეკომენდებული დოზა შეადგენს 200 მგ დღეში ერთხელ.

1 წლის ასაკის ზევით ბავშვებში 1-2 მგ/კგ წონაზე, კანის, სისტემური კანდიდოზის და კრიპტოგენული ინფექციების დროს 3-6 მგ/კგ წონაზე.

ბავშვებში თირკმელების ქრონიკული უკმარისობით გამოწვეული დაავადებების დროს, საჭიროა დოზის რეგულირება კრეატინინის კლირენსთან მიმართებაში.

გვერდითი მოვლენები:

კუჭ-ნაწლავის ტრაქტის მხრივ: ტკივილები მუცლის არეში დიარეა, გულისრევა, პირღებინება. იშვიათად გამონაყარი კანზე და თავის ტკივილი. მკურნალობის პროცესში შესაძლებელია ღვიძლის ენზიმების მაჩვენებლების გარდამავალი მომატება. იშვიათად აღინიშნება მეტად ძლიერი რეაქციები ღვიძლის მხრივ.

ფუნგოლონი სიფრთხილით ინიშნება ჰეპატოტოქსიკურ პრეპარატებთან როგორიცაა რიფამპიცინი, ფენიტოინი, იზონიაზიდი, ვალპროის მჟავა, ან პერორალური სულფანილშარდოვანას წარმოებული ანტიდიაბეტურ საშუალებებთან ერთად.

ცნს-ის მხრივ: – იშვიათად აღინიშნება კრუნჩხვები.

სისხლის მხრივ: ლეიკოპენია, თრომბოციტოპენია.

იშვიათად -ანაფილაქსია.

უკუჩვენებები:

* მომატებული მგრძნობელობა ფლუკანაზოლის ან მასში შემავალი სხვა ინგრედიენტების მიმართ.

ორსულობა და ლაქტაცია:

ფუნგოლონი გადადის დედის რძეში, რის გამოც მისი გამოყენება ორსულობის და ლაქტაციის პერიოდში რეკომენდებული არ არის.

განსაკუთრებული მითითებები:

◄ ფუნგოლონის და ორალური სულფანშარდოვანას წარმოებული პრეპარატების ერთდროული გამოყენების დროს აუცილებელია სისხლში გლუკოზის კონცენტრაციის კონტროლი და აუცილებლობის შემთხვევაში ანტიდიაბეტური საშუალებების დოზების კორექცია.

◄ ფუნგოლონის და კუმარინის ტიპის ანტიკოაგულანტების კომბინაციით, პროთრომბინის დროის გახანგრძლივების გამო, აუცილებელია ასეთი პაციენტების ყურადღებით გამოკვლევა.

◄ ყურადსაღებია აგრეთვე ის ფაქტიც, რომ ფუნგოლონის მეტაბოლიზმი ძლიერდება მასთან რიფამპიცინის კომბინაციით, ამ დროს საჭიროა პრეპარატის დოზის გაზრდა.

◄ ციკლოსპორინის და ფუნგოლონის ერთდროული დანიშვნისას აუცილებელია ციკლოსპორინის კონცენტრაციის მონიტორინგი სისხლის შრატში, რადგან შესაძლებელია მისი მომატება.

ჭარბი დოზირება:

გულისრევა, ღებინება, ტკივილი მუცლის არეში, დიარე, თავის ტკივილი, რომელთა კორეგირება წარმოებს შესაბამისი მკურნალობის გამოყენებით.

სხვა წამლებთან ურთიერთქმედება:

– ციმეტიდინთან და რიფამპიცინთან კომბინაციით ფუნგოლონის კონცენტრაცია სისხლში მცირდება, ხოლო ჰიდროქლოროთიაზიდთან – იზრდება.

– ვარფარინთან პრეპარატის ერთდროული დანიშვნით იზრდება პროთრომბინის დრო.

– ფუნგოლონი აძლიერებს სულფანილშარდოვანას წარმოებული ორალური ანტიდიაბეტური საშუალებების მაქსიმალურ კონცენტრაციას სისხლის შრატში, ახანგრძლივებს თეოფილინის, ტოლბუტამიდის, ციკლოსპორინის, ზიდოვუდინის და ფენიტოინის ნახევარგამოყოფის პერიოდს, რის გამოც ამ პრეპარატების კომბინირების დროს საჭიროა ფუნგოლონის დოზის მკაცრი კონტროლი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

წარმოებულია: ეჯზაჯიბაში ილაჩ სან. ვე ტიჯ.ა.შ.

შემადგენლობა:

პრეპარატის თითოეული გრამი შეიცავს 10 მგ თიოკონაზოლს.

სხვა ინგრედიენტები: ბენზილენის სპირტი.

ფარმაკოლოგიური თავისებურებანი:

თიოკონაზოლი წარმოადგენს იმიდაზოლის ჯგუფის წარმოებულ სოკოს საწინააღმდეგო საშუალებას. In vitro დადგენილ იქნა, რომ თიოკონაზოლს გააჩნია დერმატოფიტების (trichophyton, epidermophyton, microsporium და სხვა), საფუარას მსგავსი სოკოების მიმართ მაღალი ეფექტურობა. In vitro იგი სტაფილოკოკებისა და სტრეპტოკოკების მიმართ ავლენს ბაქტერიციდულ მოქმედებას. გარეგანი გამოყენებისას თიოკონაზოლი აღწევს stratum corneum-ში და გროვდება stratum granolozum-ში.

ჩვენება:

კანის დაზიანება, რომლებიც გამოწვეულია პრეპარატის მიმართ მგრძნობიარე სოკოებით, განსაკუთრებით შემდეგი მიკოზების დროს: tinea cruris, tinea pedis, tinea corporis, tinea unguium da tinea versicolor: დერმატო- და ონიქომიკოზები, გართულებული მეორადი სტაფილოკოკური და სტრეპტოკოკური ინფექციებით.

უკუჩვენება:

თიოკონაზოლის ან მასში შემავალი რომელიმე კომპონენტის მიმართ მომატებული მგრძნობელობა.

განსაკუთრებული მითითებები/სიფრთხილე:

ფუნგოდერმის 1%-იანი კრემი განკუთვნილია მხოლოდ გარეგანი გამოყენებისთვის. საჭიროა თავიდან ავიცილოთ მისი თვალში მოხვედრა. პრეპარატი ორსულებში არ გამოიყენება სასიცოცხლო აუცილებლობის გარეშე. პრეპარატის შეღწევა დედის რძეში არ არის დადგენილი. მეძუძურ დედებში სასიცოცხლო აუცილებლობის გარეშე პრეპარატი არ გამოიყენება.

გვერდითი მოვლენები:

ფუნგოდერმის 1%-იანი კრემი ხასიათდება კარგი ამტანობით. მკურნალობის პირველ კვირაში შესაძლებელია ადგილობრივი რეაქციების განვითარება, რომლებიც შემდგომში ქრება. კანის ძლიერი გაღიზიანების შემთხვევაში პრეპარატის მიღებას წყვეტენ და ინიშნება შესაბამისი მკურნალობა. არასასურველი ეფექტების გამოვლენის შემთხვევაში მიმართავენ ექიმს.

ურთიერთქმედება სხვა სამკურნალო საშუალებებთან:

თიოკონაზოლის სხვა წამლებთან ურთიერთქმედება არ არის აღწერილი.

ჰიპერდოზირება:

ფუნგოდერმის 1%-იანი კრემი განკუთვნილია მხოლოდ გარეგანი გამოყენებისთვის. თუ პრეპარატი შემთხვევით გამოყენებულ იქნება პერორალურად, შესაძლებელია გასტროინტესტინური გვერდითი მოვლენების განვითარება. ზემოთ აღნიშნული გვერდითი მოვლენების წარმოშობისას აუცილებელია კუჭის დაუყონებლივ ამორეცხვა და სიმპტომური თერაპიის ჩატარება.

მიღების წესი და დოზირება:

1%-იანი ფუნგოდერმის კრემი დაიტანება დაზიანებულ კანის ზედაპირსა და მის მიმდებარე უბანზე 1 ან 2-ჯერ დღე-ღამეში და ოდნავ შეიზელენ. თითებს შორის მაცერაციისას დაიტანება მცირე რაოდენობით კრემი, რომელსაც კარგად შეიზელენ. მკურნალობის ხანგრძლივობა ვარირებს ინფექციის მიმდინარეობის სიმძიმისა და დაზიანების ხარისხის მიხედვით. ქატოსებრი ლიქენის დროს საკმარისია მკურნალობის 7-დღიანი კურსი. ტერფის დერმატოფიტიის დროს მკურნალობის კურსი შეადგენს 6 კვირას. დერმატოფიტებისა და კანდიდოზების დროს მკურნალობის კურსი შეადგენს 2-4 კვირას.

შენახვის პირობები:

ინახება ოთახის ტემპერატურაზე, არაუმეტეს 30ºC ტემპერატურაზე ბავშვებისაგან დაცულ ადგილას.

გამოშვების ფორმა:

ფუნგოდერმი 1%-იანი კრემი 20 გ ტუბში.

აფთიაქიდან გაცემის რეჟიმი:

რეცეპტით გასაცემი

ვარგისიანობის ვადა:

24 თვე.

საერთაშორისო დასახელება:

FLUOROURACIL

მწარმოებელი: DARNITSA

მოქმედი ნივთიერება: ფლუოროურაცილი

კლინიკურ-ფარმაკოლოგიური ჯგუფი:

სიმსივნის საწინააღმდეგო საშუალება, ანტიმეტაბოლიტი

შემადგენლობა და გამოშვების ფორმა:

საინექციო ხსნარი 5%: ამპულაში 5 მლ, შეფუთვაში 10 ც.

1 მლ 1 ამპ.

ფლუოროურაცილი ………  50 მგ, 250 მგ

ვრცლად ფლურაცედილი

საერთაშორისო დასახელება:

TRIAMCINOLONE

მწარმოებელი: GEDEON RICHTER

მოქმედი ნივთიერება: ტრიამცინოლონი

კლინიკურ-ფარმაკოლოგიური ჯგუფი:

გლუკოკორტიკოსტეროიდი ადგილობრივი გამოყენებისთვის

შემადგენლობა და გამოშვების ფორმა:

მალამო 0.1%: ტუბში 15 გ

1 გ

ტრიამცინოლონი ………  1მგ

ვრცლად პოლკორტოლონი (მალამო, კრემი)

საერთაშორისო დასახელება:

PHTHALYSULFATHIAZOLE

მწარმოებელი: DARNITSA

მოქმედი ნივთიერება: ფტალილსულფათიაზოლი

კლინიკურ-ფარმაკოლოგიური ჯგუფი:

ანტიმიკრობული საშუალება, სულფანილამიდი

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

ფტალილსულფათიაზოლი …….  0.5 გ

ფარმაკოლოგიური თვისებები:

ფარმაკოდინამიკა.

სულფანილამიდური პრეპარატი მოქმედების ფართო სპექტრით, აქტიურია გრამდადებითი და გრამუარყოფითი მიკროორგანიზმების – ინფექციური დაავადებების გამაღიზიანებლების მიმართ. ახდენს ბაქტერიოსტატულ ეფექტს, რომლის მექანიზმი, განპირობებული მიკროორგანიზმებში მათი ზრდის ფაქტორების სინთეზის დარღვევით – ფოლისა და დეჰიდროფოლის მჯავები, რომლებიც აუცილებელია პურინებისა და პირიმიდინების სინთეზისათვის.

ფარმაკოკინეტიკა:

პრეპარატი ნელა შეიწოვება კუჭ-ნაწლავის ტრაქტიდან: მისი ძირითადი რაოდენობა ნაწლავში რჩება, სადაც თანდათან სცილდება მოლეკულას აქტიური სულფანილამიდური ნაწილი. ამგვარად მიღწეული პრეპარატის მაღალი კონცენტრაცია ნაწლავში ნაწლავის ფლორის მიმართ სპეციფიური ბაქტერიოსტატიკული აქტივობის გათვალისწინებით, განპირობებულია ფტალილსულფათიაზოლის ეფექტურობა ნაწლავური ინფექციების დროს.

ჩვენებები:

• მწვავე დიზენტერია, ქრონიკული დიზენტერია გამწვავების სტადიაში, კოლიტები (მ.შ. წყლულოვანი), ენტეროკოლიტები, გასტროენტერიტები, ამებური დიზენტერია და პარატიფოზური ინფექციები, ოპერაციები ნაწლავზე (ჩირქიანი გართულებები საპროფილაქტიკოდ).

გამოყენების წესი და დოზირება:.

პრეპარატი მიიღება შინაგანად 4-6-ჯერ დღე-ღამეში 30 წთ. ადრე ჭამამდე.

დიზენტერიის მწვავე ფორმისას უფროსებში ინიშნება : მკურნალობის 1-2 დღეს – 6 გ დღე-ღამეში (1 გ ყოველ 4 საათში), 3-4 დღეს – 4 გ დღე-ღამეში (1 გ ყოველ 6 საათში). მკურნალობის პირველი კურსიდან 5-6 დღეში ტარდება მეორე კურსი: 1-2 დღეს – 1 გ 4 საათში (ღამე – 8 საათში), სულ 5 გ დღე-ღამეში; 3-4 დღეს – 1 გ 4 საათში (ღამე არ ინიშნება), სულ 3 გ დღე-ღამეში. კურსის დოზა შეადგენს 21 გ (დაავადების მსუბუქი მიმდინარეობისას დოზა შეიძლება შემცირდეს 18 გ-მდე).

უმაღლესი დოზები უფროსებისათვის შინაგანად: ერთჯერადი 2 გ, დღე-ღამის 7 გ.

3-დან 7 წლამდე ასაკის ბავშვებში ერთჯერადი დოზით ინიშნება 0.4-0.5 გ,

8-14 წლის – 0.5-0.75 გ. მკურნალობის კურსი – 7 დღე.

სხვა დაავადებების მკურნალობისას ფტალაზოლი ინიშნება უფროსებში პირველი 2-3 დღე 1-2 გ ყოველ 4-6 საათში, შემდგომი 2-3 დღე – 0.5 გ-1 გ ყოველ 4-6 საათში.

ბავშვებში პირველ დღეს ინიშნება 0.1 გ/ს.წ.კგ დღე-ღამეში. პრეპარატის მიღება ხდება ყოველ 4 საათში ღამის შესვენებით. შემდგომ დღეებში ინიშნება 0.2-0.5 გ ყოველ 6-8 საათში.

გვერდითი მოვლენები:

. ინდივიდუალური ჰიპერმგრძნობელობისას სულფანილამიდების მიმართ შესაძლოა ალერგიული რეაქციები.

უკუჩვენებები:

* ჰიპერმგრძნობელობა პრეპარატის მიმართ;

* ბაზედოვის დაავადება;

* სისხლის დაავადებები;

* მწვავე ჰეპატიტი;

* სიფრთხილით ინიშნება ნეფროზებისა და ნეფრიტების დროს.

ურთიერთქმედება სხვა სამკურნალო საშუალებებთან:

ფტალაზოლი-დარნიცა შეუთავსებადია სალიცილატებთან, დიფენინთან (ფტალაზოლის ტოქსიკურობის მომატება), ოქსალინთან (ოქსაცილინის აქტივობის სემცირება), ნიტროფურინებთან (ანემიისა და მეტჰემოგლობინემიის განვითარების რისკი), ქალისა და მამაკაცის სქესობრივი ჰორმონებთან, კალციუმის ქლორიდთან და ვიტამინთან K (სისხლის შედედების შემცირება).

ჭარბი დოზა:

ჭარბი დოზის მოვლენები ძალზედ იშვიათან ვლინდება. ასეთ შემთხვევებში წყდება პრეპარატის მიღება და ხდება კუჭის გამორეცხვა ნატრიუმის ჰიდროკარბონატის 2% ხსნარით, ფარსირებული დიურეზი, ჰემოდიალიზი.

განსაკუთრებული მითითებები:

დაავადების ხასიათის მიხედვით ფტალაზოლი-დარნიცას გამოყენება შეიძლება ანტიბიოტიკებთან შეთანხმებით. პრეპარატთან ერთდროულად მიზანშეწონილია სულფანილამიდების დანიშვნა, რომლებიც კარგად შეიწოვება (სულფადიმეზინი, ეთაზოლი, ეთაზოლ-ნატრიუმი და ა.შ.).

ორსულობა და ლაქტაცია:

პრეპარატი ადვილად აღწევს პლაცენტაში, და ნაყოფის გარშემო არსებულ სითხეში, ნაყოფის სისხლში იგი ეფექტური კონცენტრაციებით ვლინდება. დედის რძეში პრეპარატის კონცენტრაცია უდრის სისხლის შრატში მის კონცენტრაციას, და მეძუძურმა ბავშვმა რძესთან ერთად შეიძლება მიიღოს პრეპარატის ის რაოდენობა, რომელიც საკმარისია მისი ორგანიზმისათვის არასასურველი ზეგავლენის მოსახდენად.

ამიტომ პრეპარატის გამოყენება ორსულობისა და ლაქტაციის პერიოდში შეიძლება მხოლოდ იმ შემთხვევაში თუ დედისათვის მოსალოდნელი სარგებელი აღემატება პოტენციურ რისკს ბავშვისათვის.

შენახვის პირობები: ინახება მშრალ, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა – 5 წელი.

გაცემის პირობები: რეცეპტის გარეშე.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ქსოვილთა მეტაბოლიზმის გამაუმჯობესებელი ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ.

100 მლ

საერთაშორისო დასახელება:

diphenhydramin hidrochloride

ჰისტამინური H1 რეცეპტორების ბლოკატორები; ადგილობრივი მოქმედების პრეპარატები

შემადგენლობა და გამოშვების ფორმა:

1% გარეგანი გამოყენების გელი 20გ ტუბში

100გ გელი შეიცავს:

აქტიური ინგრედიენტები:

ცეტილპირიდინის ქლორიდი ………. 0.1გ;

როგორც დამცავი საშუალება. მაკროგოლ-6-გლიცეროლის კაპრილკაპრატი, პოლიაკრილის მჟავა (კარბომერები), ტრომეტამოლი, გამოხდილი წყალი.

ჩვენებები:

მიღების წესები და დოზები:

თუ არ არსებობს ექიმის მითითება, ფსილო-ბალზამის დატანა უნდა მოხდეს თხელი ფენის სახით დაზიანებულ ადგილას დღეში რამოდენიმეჯერ და თითების მსუბუქი დარტყმებით განაწილდეს თანაბრად. გელი სწრაფად შეიწოვება და არ ტოვებს თვალით შესამჩნევ კვალს.

გვერდითი მოვლენები:

ზოგჯერ შესაძლოა განვითარდეს კანის მომატებული მგრძნობელობის რეაქციები. აცნობეთ ექიმს ან ფარმაცევტს ნებისმიერი გვერდითი ეფექტის განვითარების შესახებ, რომელიც არ არის მითითებული ინსტრუქციაში.

უკუჩვენება:

* ფსილო-ბალზამი არ გამოიყენება პაციენტებში მომატებული მგრძნობელობით ცეტილპირიდინის ქლორიდზე, გარდა ექიმის მიერ დაშვებული გამონაკლისი შემთხვევებისა.

შენახვის პირობები და ვადები:

არ შეინახოთ 25°C-ს ზევით ტემპერატურაზე.

ბავშვებისათვის მიუწვდომელ ადგილას.

შენახვის ვადა: 3 წელი

აფთიაქში გაცემის წესი:

რეცეპტის გარეშე.

საერთაშორისო დასახელება:

CLARITHROMYCIN

მწარმოებელი: KRKA

მოქმედი ნივთიერება: კლარითრომიცინი

კლინიკურ-ფარმაკოლოგიური ჯგუფი:

მაკროლიდების ჯგუფის ანტიბიოტიკი

შემადგენლობა და გამოშვების ფორმა:

გახანგრძლივებული მოქმედების შემოგარსული ტაბლეტები: ბლისტერზე 5 ტაბ., შეფუთვაში 1 ბლისტერი ან ბლისტერზე 7  ტაბ., შეფუთვაში 1 და 2 ბლისტერი.

1 ტაბ.

კლარითრომიცინი  ……….  500 მგ

ვრცლად ფრომილიდი

საერთაშორისო დასახელება:

CLARITHROMYCIN

მწარმოებელი: KRKA, სლოვენია

მოქმედი ნივთიერება: კლარითრომიცინი

კლინიკურ-ფარმაკოლოგიური ჯგუფი:

მაკროლიდების ჯგუფის ანტიბიოტიკი.

შემადგენლობა და გამოშვების ფორმა:

შემოგარსული ტაბლეტები: ბლისტერზე 7 ტაბ., შეფუთვაში 2 ბლისტერი.

1 ტაბ.

კლარითრომიცინი ……..   250 მგ

1 ტაბ.

კლარითრომიცინი …….   500 მგ

დამხმარე ნივთიერებები:

სიმინდის სახამებელი, მიკროკრისტალური ცელულოზა, სილიციუმის გაუწყლოებული კოლოიდური ორჟანგი, პრეჟელატინიზებული სახამებელი, კალიუმის პოლაკრილინი, ტალკი, მაგნიუმის სტეარატი, ტიტანის დიოქსიდი, პროპილენგლიკოლი, ჰიდროქსიპროპილმეთილცელულოზა, ქინოლის ყვითელი საღებავი.

გრანულები სუსპენზიის მოსამზადებლად:

ფლაკონში 60 მლ დოზირებულ შპრიცთან კომპლექტში

5 მლ

კლარითრომიცინი ………  250 მგ

დამხმარე ნივთიერებები:

კარბიმერი, პოვიდონი, ჰიდროქსიპროპილმეთილცელულოზის ფტალატი, ტალკი, აბუსალათინის ზეთი, ქსანტანის კამედი, ბანანის არომატი, კალიუმის სორბატი, უწყლო ლიმონმჟავა, სილიციუმის უწყლო ჟანგი, ტიტანის დიოქსიდი, საქაროზა.

ფარმაკოლოგიური თვისებები:

კლარითრომიცინი არის მაკროლიდების ჯგუფის ნახევრადსინთეზური ანტიბიოტიკი. ის აინჰიბირებს მიკრობის უჯრედში ცილის სინთეზს, ძირითადად ავლენს ბაქტერიოსტატულ და ბაქტერიოციდულ მოქმედებას. კლარითრომიცინის მიმართ მგრძნობიარე მიკროორგანიზმებია: Mycoplasma pneumoniae, Legionella pneumophila, Chlamydia trachomatis და Chlamydia pneumoniae, Ureaplasma urealyticum; გრამდადებით მიკროორგანიზმები: (Streptococcus pyogenes, Streptococcus pneumoniae, Streptococcus agalactiae, Streptococcus viridans, Staphylococcus aureus, Listeria monocytogenes, Corynebacterium spp., Bacillus spp.); გრამ-უარყოფითი მიკროორგანიზმები:(Haemophilus influenzae და Haemophilus ducreyi, Moraxella catarrhalis, Bordetella pertussis, Neisseria gonorrhoeae და Neisseria meningitidis, Borrelia burgdorferi, Pasteurella multocida, Campylobacter spp. და Helicobacter pylori); ზოგიერთი ანაერობები: (Eubacterium spp., Peptococcus spp., Propionibacterium spp., Clostridium perfringens и Bacteroides melaninogenicus); Toxoplasma gondii და ყველა მიკრობაქტერია Mycobacterium tuberculosis გარდა.

ფარმაკოკინეტიკა:

კლარითრომიცინი კარგად შეიწოვება საჭმლის მომნელებელი ტრაქტიდან, საკვები ანელებს შეწოვას, მაგრამ კლარითრომიცინის ბიოშეღწევადობაზე მნიშვნელოვან გავლენას არ ახდენს.

კლარითრომიცინის 20% დაუყოვნებლივ მეტაბოლიზდება 14-ჰიდროქსი-კლარითრომიცინად, რომელსაც გააჩნია გამოხატული აქტივობა Haemophilus influenzae -ს მიმართ.

კლარითრომიცინი ადვილად აღწევს ორგანიზმის ქსოვილებში და სითხეებში, სადაც მისი კონცენტრაცია 10-ჯერ უფრო მეტია ვიდრე შრატში. 250 მგ დოზის მიღებისას ნახევარგამოყოფის პერიოდი შეადგენს 3-4 საათს; 500 მგ-ს მიღებისას კი – 5-7 საათს. კლარითრომიცინის 20-დან 30%-მდე (სუსპენზიის მიღებისას 40%) შეუცვლელი სახით გამოიყოფა შარდთან ერთად, დანარჩენი ნაწილი კი – მეტაბოლიტების სახით.

ჩვენებები:

• პრეპარატი განკუთვნილია ზემო სასუნთქი გზების (ტონზოლოფარინგიტი, მწვავე სინუსიტი);
• ქვემო სასუნთქი გზების (მწვავე ბრონქიტი, ქრონიკული ბრონქიტი გამწვავების სტადიაში ბაქტერიული და ატიპიური პნევმონია);
• ინფექციების შუა ოტიტის მიკრობაქტერიებით (Mycobacterium avium complex, Mycobacterium kansasii, Mycobacterium marinum, Mycobacterium leprae) გამოწვეული კანის და რბილი ქსოვილების ინექციების სამკურნალოდ;
• შიდსით დაავადებულებში ამ დაავადებების პროფილაქტიკისათვის;
• H.pilory-ს ერადიკაციისათვის კუჭის და 12-გოჯა ნაწლავის წყლულოვანი დაავადებების მქონე პაციენტებში (ყოველთვის სხვა პრეპარატებთან კომბინაციაში), ასევე პრეპარატის მიმართ მგრძნობიარე მიკროორგანიზმებით გამოწვეული სხვა ინფექციურ-ანთებითი დაავადებების სამკურნალოდ.

მიღების წესი და დოზირება:

ტაბლეტი უნდა გადაიყლაპოს მთლიანად, გატეხვის გარეშე, მცირე რაოდენობა სითხის დაყოლებით.

მოზრდილები და 12 წელზე უფროსი ასაკის ბავშვები – 250 მგ ყოველ 12 საათში ერთხელ.

სინუსიტის სამკურნალოდ, მწვავე ინფექციებისას როდესაც ინფექციის  გამომწვევია Haemophilus influenzae , ნიშნავენ 500 მგ კლარითრომიცინს ყოველ 12 საათში ერთხელ. მკურნალობის კურსი 8-14 დღე.

Helicobacter pyloris ერადიკაციისათვის ინიშნება 250-500 მგ დღეში 2-ჯერ. ძირითადად 7 დღე სხვა სამკურნალო საშუალებებთან კომბინაციაში.

12 წელზე უმცროსი ასაკის ბავშვებს ეძლევა სუსპენზია, დღეში 15 მგ კილოგრამ წონაზე ორ მიღებაზე გადათვლით. სუსპენზის მიღების შემდეგ რეკომენდებულია მცირე რაოდენობით სითხის დაყოლება. სუსპენზია შეიცავს მცირე გრანულებს, რომელთა დაღეჭვა არ არის რეკომენდებული მწარე გემოს გამო. მოყვება შპრიცი პერორალური მიღებისათვის. ერთი სავსე შპრიცი იტევს 5 მლ სუსპენზიას, რომელიც შეიცავს 125 მგ კლარითრომიცინს. ყოველი გამოყენების შემდეგ საჭიროა შპრიცის გარეცხვა. პრეპარატის დოზა პედიატრიაში გამოითვლება სხეულის მასით. ცხრილში მოცემულია დოზირების პრინციპი:

მკურნალობის კურსი ძირითადად გრძელდება 7-14 დღე.

Mycobacterium avium complex–ით გამოწვეული გავრცელებული ინფექციის სამკურნალოდ და პროფილაქტიკისათვის ინიშნება 500 მგ ყოველ 12 საათში. შესაძლებელია დოზის გაზრდა. მაქსიმალური სადღეღამისო დოზაა 2 გ. ბავშვებს ეძლევათ დღეში 15 მგ კილოგრამ წონაზე, ორ მიღებაზე გადათვლით. პრეპარატის დოზა არ უნდა აჭარბებდეს ყოველ 12 საათში 500 მგ-ს. პედიატრიაში მაქსიმალური სადღეღამისო დოზაა 1 გ.

Mycobacterium avium -ით გამოწვეული ინფექციების მკურნალობა ხანგრძლივია.

თირკმლის უკმარისობისას როდესაც კრეატინინის კლირენსი შეადგენს 0,5 მლ/წმ-ში (30 მლ/წთ) ან შრატის კრეატინინი შეადგენს 2901 მოლი/ლ (3.3 მგ/100 მლ დოზა უნდა შემცირდეს 2-ჯერ, ან უნდა გაორმაგდეს მიღებებს შორის შუალედი.

სუსპენზიის მომზადება: სუსპენზიის მოსამზადებლად საჭიროა 42 მლ წყალი. წინასწარ შეანჯღრიეთ ფლაკონი დაამატეთ წყლის მოცულობის 1/4 და შეანჯღრიეთ გრანულების გახსნამდე. დაამატეთ დარჩენილი წყალი, და კარგად შეანჯღრიეთ. მიღებული სუსპენზიის მოცულობა უნდა აღწევდეს ფლაკონზე არსებულ ხაზს.

გვერდითი მოვლენები:

გვერდით ეფექტებს მიეკუთვნება: გულისრევა, ღებინება, დიარეა და ტკივილი მუცლის არეში. მწვავე და მედგარი დიარეის, ფსევდომემბრანული კოლიტის შემთხვევებში, რაც შეიძლება გამოვლინდეს ზოგიერთ შემთხვევებში, საჭიროა პრეპარატის მოხსნა.

ასევე შეიძლება ადგილი ჰქონდეს სტომატიტს, გლოსიტს, თავის ტკივილს, მომატებული მგრძნობელობის რეაქციებს (ჭინჭრის ციება, ანაფილაქსია, ძალიან იშვიათად – სტივენს-ჯონსონის სინდრომი), წარმავალი ხასიათის გემოვნების შეცვლა ცალკეულ ავადმყოფებში დარღვევები ცენტრალური ნერვული სისტემის მხრივ (თავბრუსხვევა, ცნობიერების აღრევა, შიშები, უძილობა, ღამის კოშმარები), პაციენტების უმეტესობაში გვერდითი მოვლენები სუსტი ინტენსივობისაა.

ძალიან იშვიათად აღინიშნება ღვიძლის ფერმენტების აქტივობის მომატება ქოლესტაზური სიყვითლე.

გვერდითი ეფექტების გამოვლენის შემთხვევაში, საჭიროა ექიმის კონსულტაცია.

უკუჩვენებები:

* პრეპარატი არ ენიშნებათ იმ ავადმყოფებს, რომლებსაც აქვთ მომატებული მგრძნობელობა კლარითრომიცინზე ან მაკროლიდების ჯგუფის სხვა პრეპარატებზე.

* იმასთან დაკავშირებით რომ პრეპარატი ძირითადად მეტაბოლიზდება ღვიძლში, იგი არ ინიშნება ღვიძლის მწვავე უკმარისობის, ჰეპატიტის (ანამნეზში) დროს; ასევე პორფირიისას, ორსულობის პირველ ტრიმესტრში.

* კლარითრომიცინი არ ენიშნებათ ავადმყოფებს, რომლებიც ღებულობენ ტერფენადინს, ცისაპრიდს, პიმოზიდს ან ასტემიზოლს.

ორსულობა და ლაქტაცია:

კლარითრომიცინის გამოყენება ორსულობის II და III ტრიმესტრში შეიძლება მხოლოდ იმ შემთხვევაში, როდესაც მოსალოდნელი სარგებელი აჭარბებს ნაყოფის პოტენციურ რისკს.

! პრეპარატით მკურნალობის პერიოდში ლაქტაცია უნდა შეწყდეს.

განსაკუთრებული მითითებები:

◄ მაკროლიდურ ანტიბიოტიკებს შორის არსებობს ჯვარედინი რეზისტენტობა. მსუბუქი ხარისხის ღვიძლის ფუნქციის დარღვევა არ წარმოადგენს დოზის კორექციის მიზეზს, იმ შემთხვევაში, თუ თირკმლის ფუნქცია შეესაბამება ნორმას. თირკმლის მწვავე უკმარისობისას საჭიროა დოზის შემცირება.

◄  დღეისათვის კლარითრომიცინის 6 თვემდე ასაკის ბავშვებში გამოყენებისას, ეფექტურობის და უსაფრთხოების შესახებ მონაცემები არ არსებობს.

◄  ანტიბიოტიკებით მკურნალობა ცვლის ნაწლავის ნორმალურ ფლორას, ამიტომ შეიძლება განვითარდეს სუპერინფექცია, რომელიც გამოწვეულია რეზისტენტული მიკროორგანიზმებით. მწვავე და მედგარი დიარეის შემთხვევაში საჭიროა პრეპარატის მიღების შეწყვეტა და ექიმის კონსულტაცია.

გავლენა ავტომობილი და სხვა მექანიზმების მართვაზე: პრეპარატი არ ახდენს გავლენას პაციენტის ფსიქომოტორული რეაქციების სიჩქარეზე ავტომობილის მართვისას და სხვა მექანიზმებთან მუშაობის დროს.

ჭარბი დოზირება:

როგორც წესი პრეპარატის ჭარბი დოზირება იწვევს ღებინებას და მუცლის არეში ტკივილს, თავის ტკივილს და ცნობიერების აღრევას. თუ პაციენტმა მიიღო ჭარბი დოზა, მან უნდა მიმართოს ექიმს.

სხვა წამლებთან ურთიერთქმედება:

კლარითრომიცინი მეტაბოლიზდება ღვიძლში, სადაც მას შეუძლია მოახდინოს ციტოქრომ P450 კომპლექსის ფერმენტების ინჰიბირება.

– კლარითრომიცინის და იმ პრეპარატების ერთობლივი გამოყენებისას, რომლებიც მეტაბოლიზმს განიცდიან ამ სისტემის საშუალებით მათი კონცენტრაცია მატულობს და ვლინდება გვერდითი მოვლენები. ამიტომ კლარითრომიცინის მკურნალობისას, სიცოცხლისათვის საშიში არითმიების განვითარების რისკის გამო, არ შეიძლება თეოფილინის, კარბამაზეპინის, დიგოქსინის, მიდაზოლამის, ფენიტოინის, ციკლოსპორინის, ტაკროლიმუსის, და სპორინიის ალკალოიდების ერთობლივი დანიშვნა.

– იმ პაციენტებში, რომლებიც კლარითრომიცინთან ერთად ღებულობენ ვარფარინს ან სხვა პერორალურ ანტიკოაგულანტებს, საჭიროა პროთრომბინის დროის კონტროლი.

– ზიდოვუდინის და კლარითრომიცინის ერთობლივი გამოყენება ამცირებს ზიდოვუდინის აბსორბციას.

– რიტონავირის და კლარითრომიცინის ერთობლივი გამოყენება იწვევს შრატში კლარითრომიცინის კონცენტრაციის მნიშვნელოვან მომატებას და მისი მეტაბოლიტის – 14-ჰიდროქსიერითრომიცინის მნიშნველოვან შემცირებას.

შენახვის პირობები:

ტაბლეტები ინახება არაუმეტეს 25⁰C ტემპერატურაზე, გრანულები სუსპენზის მოსამზადებლად ინახება არა უმეტეს 30⁰C ტემპერატურაზე, მომზადებული სუსპენზია ინახება 25⁰C ტემპერატურაზე, მშრალ, სინათლისა და ბავშვებისგან დაცულ ადგილას. მისი გამოყენება შეიძლება 14 დღის განმავლობაში.

ვარგისიანობის ვადა: ტაბლეტები – 3 წელი;

გრანულები სუსპენზიის მოსამზადებლად – 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

NADROPARIN CALCIUM

მწარმოებელი: GLAXOSMITHKLINE, დიდი ბრიტანეთი

მოქმედი ნივთიერება: კალციუმის ნადროპარინი

კლინიკურ-ფარმაკოლოგიური ჯგუფი:

პირდაპირი მოქმედების ანტიკოაგულანტი, დაბალმოლეკულური ჰეპარინი.

შემადგენლობა და გამოშვების ფორმა:

საინექციო ხსნარი: ერთჯერად შპრიცში 0.3 მლ შეფუთვაში 10 ც.

1 შპრიცი

კალციუმის ნადროპარინი ……….  2850 სე ანტი-Xa

სხვა ინგრედიენტები:

კალციუმის ჰიდროჟანგის ან განზავებული მარილმჟავას q.s. pH 5-7.5-მდე ხსნარი, დისტილირებული წყალი.

საინექციო ხსნარი: ერთჯერად შპრიცში 0.4 მლ, შეფუთვაში 10 ც.

1 შპრიცი

კალციუმის ნადროპარინი…………   3800 სე ანტი-Xa

სხვა ინგრედიენტები:

კალციუმის ჰიდროჟანგის ან განზავებული მარილმჟავას q.s. pH 5-7.5-მდე ხსნარი, დისტილირებული წყალი.

საინექციო ხსნარი: ერთჯერად შპრიცში 0.6 მლ, შეუთვაში 10 ც.

1 შპრიცი

კალციუმის ნადროპარინი ……..  5700 სე ანტი-Xa

სხვა ინგრედიენტები:

კალციუმის ჰიდროჟანგი ან განზავებული მარილმჟავა q.s. pH 5-7.5, დისტილირებული წყალი.

საინექციო ხსნარი: ერთჯერად შპრიცში 0.8 მლ, შეფუთვაში 10 ც.

1 შპრიცი

კალციუმის ნადროპარინი …………..  7600 სე ანტი-Xa

სხვა ინგრედიენტები:

კალციუმის ჰიდროჟანგი ან განზავებული მარილმჟავა q.s. pH 5-7,5, დისტილირებული წყალი.

ფარმაკოლოგიური თვისებები:

ფრაქსიპარინის აქტიურ ნივთიერებას წარმოადგენს კალციუმის ნადროპარინი – დაბალმოლეკულური ჰეპარინი, რომელიც მიღებულია სტანდარტული ჰეპარინისაგან დეპოლიმერიზაციის მეთოდით სპეციალურ პირობებში. პრეპარატი ხასიათდება გამოხატული აქტივობით Xa ფაქტორის და სუსტი აქტივობით II-ა ფაქტორის მიმართ. ფრაქსიპარინის ანტი-Xa აქტივობა უფრო გამოხატულია, ვიდრე მისი ზეგავლენა აქტივირებულ პარციალურ თრომბობლასტინის დროზე, რაც განასხვავებს ფრაქსიპარინს არაფრაქციონირებულ სტანდარტულ ჰეპარინისაგან. ამგვარად, ფრაქსიპარინი აღჭურვილია ანტითრომბული აქტივობით და ხასიათდება სწრაფი და პროლონგირებული მოქმედებით. მისი აქტივობა გამოსახულია საერთაშორისო ერთეულებში.

ფარმაკოკინეტიკა:

კანქვეშ შეყვანისას პრეპარატის მაქსიმალური კონცენტრაცია სისხლის პლაზმაში აღინიშნება 3 საათის შემდეგ. იგი ხასიათდება პრაქტიკულად სრული ბიოშეღწევადობით – პრეპარატის აქტიური ნივთიერების 98% სისხლში ხვდება ბიოლოგიურად აქტიური ფორმით. ნახევარგამოყოფის პერიოდი განმეორებითი დოზების გამოყენებისას შეადგენს 8-10 სთ-ს. პრეპარატის აქტივობა ანტი-Xa ფაქტორის მიმართ ვლინდება მისი შეყვანიდან 18 საათის განმავლობაში, ხოლო IIa ფაქტორის მიმართ მისი აქტივობა უფრო სუსტია და აღწევს მაქსიმუმ 3 სთ-ში.

ჩვენებები:

თრომბოემბოლური გართულებების პროფილაქტიკა:

• განსაკუთრებით ის შემთხვევები, რომლებიც დაკავშირებულია ზოგად ან ორთოპედიულ ქირურგიასთან;
• არაქირურგიულ ავადმყოფებში მაღალი თრომბოემბოლური რისკით (სუნთქვის მწვავე უკმარისობა, ან რესპირატორული ინფექცია, გულის მწვავე უკმარისობა) ინტენსიური თერაპიის განყოფოლების პირობებში – თრომბოემბოლური დარღვევების მკურნალობა ღრმა ვენების თრომბოზის დროს;
• სისხლის შედედების პროფილაქტიკა ჰემოდიალიზის მსვლელობისას;
• არასტაბილური სტენოკარდიის და არა-Q კბილოვანი მიოკარდიუმის ინფარქტის მკურნალობა.

მიღების წესი და დოზირება:

თრომბოემბოლიური დაავადებების მკურნალობისა და პროფილაქტიკისათვის ფრაქსიპარინი ინიშნება კანქვეშა ინექციების სახით. ჰემოდიალიზის დროს სისხლის შედედების პროფილაქტიკისათვის ფრაქსიპარინი შეყავთ არტერიული გადასხმის სისტემაში ყოველი პროცედურის წინ.

პრეპარატის კანქვეშ შეყვანისას ინექციის რეკომენდებულ ადგილს წარმოადგენს მუცლის წინა-ლატერალური კედელი. მარცხენა და მარჯვენა მხარის მონაცვლეობით ნემსი შეჰყავთ პერპენდიკალარულად და არა დახრილ მდგომარეობაში კანის ნაკეცში, რომელიც ფიქსირებულია დიდ და საჩვენებელ თითებს შუა ხსნარის შეყვანის ბოლომდე.

გრადუირებული შპრიცები განკუთვნილია დადგენილი დოზების გამოსაყენებლად იმ შემთხვევაში, როდესაც აუცილებელია ადაპტაცია წონის მიხედვით.

რეკომენდებულია მაღალი სიზუსტის შპრიცების და ძალიან წვრილი დაკალიბრებული ნემსების გამოყენება (დიამეტრი 0.5 მმ) ფრაქსიპარინის ხსნარის ფლაკონიდან ამოსაღებად.

თრომბოემბოლური გართულებების პროფილაქტიკა:

ზოგადი ქირურგია:

ფრაქსიპარინი ინიშნება ერთჯერადად 0.3 მლ დღიური დოზით 7 დღის განმავლობაში. სხვა შემთხვევაში პროფილაქტიკა ტარდება რისკის პერიოდში ავადმყოფის მოძრაობითი აქტივობის მთლიან აღდგენამდე. ზოგად ქირურგიაში პირველი დოზა ინიშნება 2-4 საათით ადრე ოპერაციულ ჩარევამდე.

ორთოპედიული ქირურგია:

ფრაქსიპარინის საწყისი დოზა შეჰყავთ ოპერაციამდე 12 საათით ადრე, აგრეთვე ოპერაციიდან 12 საათის შემდეგ, აღნიშნული და შემდგომი ერთჯერადი დღიური დოზები განიცდიან კორექტირებას პაციენტის სხეულის წონის შესაბამისად ქვემოთ მოყვანილი ცხრილის მიხედვით:

ინტენსიური თერაპიის განყოფილების ავადმყოფები:

თრომბოემბოლიური დაავადებების მკურნალობა:

ფრაქსიპარინი შეჰყავთ კანქვეშ 2-ჯერ დღეში (ყოველ 12 საათში ერთხელ) 10 დღის განმავლობაში, ავადმყოფის წონის შესაბამისად როგორც მოცემულია ქვემოთ:

პერორალური ანტიკოაგულანტებით მკურნალობის წინააღმდეგჩვენების არსებობის შემთხვევაში უნდა დაიწყოს რაც შეიძლება ადრე. ფრაქსიპარინით მკურნალობა გრძელდება INR-ს(intrnational normal ratio) სტაბილიზაციამდე მოცემულ დონემდე.

ფრაქსიპარინით მკურნალობისას აუცილებელია თრომბოციტების რეგულარული კონტროლი.

სისხლის შედედების პროფილაქტიკა ჰემოდიალიზის მსვლელობისას:

დოზირების ოპტიმიზაცია ყველა ცალკეული ავადმყოფის შემთხვევაში უნდა იქნას გათვალისწინებული დიალიზის ტექნიკური პირობების მსგავსად.

ფრაქსიპარინის გამოყენება ხდება ერთჯერადი დოზით არტერიული გადასხმის სისტემაში ყოველი პროცედურის წინ.

პაციენტებისათვის სისხლდენის მომატებული რისკის გარეშე რეკომენდებული საწყისი დოზები ავადმყოფის წონის გათვალისწინებით:

ავადმყოფებში სისხლდენის გაზრდილი რისკით პრეპარატის დოზა ნახევრდება.

დამატებითი, განახევრებული დოზა შეიძლება შეყვანილი იქნას დიალიზის მსვლელობისას, თუ პროცედურა გრძელდება 4 საათზე მეტი ხნის განმავლობაში.

არასტაბილური სტენოკარდიის და არა-Q კბილოვანი მიოკარდიუმის ინფარქტის მკურნალობა:

ფრაქსიპარინი ინიშნება კანქვეშ 2-ჯერ დღეში (ყოველ 12 საათში ერთხელ) ასპირინთან (325 მგ-მდე დღეში) კომბინაციაში. საწყისი დოზა შეყავთ ინტრავენური ბოლუსის სახით დოზით 86 სე/კგ, შემდეგ  იმავე დოზით.

შემდეგში მკურნალობა გრძელდება 6 დღის განმავლობაში პაციენტის წონის შესაბამისად, როგორც ნაჩვენებია ქვემოთ მოყვანილ ცხრილში:

გვერდითი მოვლენები:

სისხლმბადი სისტემის მხრივ: იშვიათად თრომბოციტოპენია, ეოზინოფილია, რომელიც აღინიშნება მკურნალობის შეწყვეტის შემდეგ.

სისხლის შედედების სისტემის მხრივ: სისხლდენებისადმი მიდრეკილების გაზრდა.

ალერგიული რეაქციები: შესაძლებელია როგორც ადგილობრივი, ისე ზოგადი რეაქციები, ანაფილაქსიური შოკის ჩათვლით.

ადგილობრივი რეაქციები: იშვიათად მცირე ჰემატომები შეყვანის ადგილას. ცალკეულ შემთხვევაში აღინიშნება მკვრივი კვანძები, რაც არ მიუთითებს ჰეპარინის ინკაფსულირებაზე. კვანძები რამდენიმე დღის შემდეგ ქრება. ძალიან იშვიათად კანის ნეკროზი შეყვანის ადგილას, რომელსაც წინ უსწრებს სიწითლე, ინფილტრაციული ან მტკივნეული ერითემატოზული ლაქები საერთო სიმპტომებთან ერთად ან მათ გარეშე. ასეთ შემთხვევაში მკურნალობა წყდება.

სხვა გვერდითი მოვლენები: იშვიათად ტრანსამინაზების ტრანზიტორული მომატება; ერთეულ შეთხვევებში – შექცევადი ჰიპერკალიემია, პრიაპიზმი.

უკუჩვენებები:

* მომატებული მგრძნობელობა პრეპარატის მიმართ;

* თრომბოციტოპენია, დაკავშირებული ნადროპარინთან ანამნეზში;

* სისხლდენის მოვლენები, ან სისხლდენის მომატებული რისკი, დაკავშირებული ჰემოსტაზის დარღვევასთან (დსშ სინდრომის გამოკლებით), რომელიც არ არის გამოწვეული ჰეპარინით;

* ორგანული დაზიანება მიდრეკილებით სისხლდენისადმი (მაგალითად პეპტიური წყლული);

* თავის ტვინში სისხლჩაქცევა;

* მწვავე ინფექციური ენდოკარდიტი;

* თირკმლის მძიმე უკმარისობა (კრეატინინის კლირენსი 30 მლ/წთ-ში) ავადმყოფებში, რომლებიც იღებენ პრეპარატს მკურნალობის კურსის სახით.

ორსულობა და ლაქტაცია:

აღნიშნული პერიოდში პრეპარატის გამოყენება რეკომენდებული არ არის.

განსაკუთრებული მითითებები:

თრომბოციტოპენიის განვითარების შემთხვევაში, რომელიც გამოწვეულია ჰეპარინით მკურნალობით (დაბალმოლეკულური ან სტანდარტული), უნდა განისაზღვროს სხვა ჯგუფის ანტითრომბოციტული პრეპარატის გამოყენების შესაძლებლობა. თუ ასეთი შესაძლებლობა არ არსებობს, ხოლო ჰეპარინის დანიშვნა აუცილებელია, შეიძლება მისი შეცვლა სხვა დაბალმოლეკულური ჰეპარინით. ასეთ შემთხვევაში აუცილებელია კლინიკური კონტროლის ჩატარება არანაკლებ ერთხელ დღეში და მკურნალობის შეწყვეტა რაც შეიძლება ადრე, რომლის დროსაც გათვალისწინებული უნდა იქნას პირველადი თრომბოციტოპენია, რომელიც გრძელდება პრეპარატის მოხსნის შემდეგ.

პრეპარატი სიფრთხილით ინიშნება შემდეგ შემთხვევებში:

♦ ღვიძლის უკმარისობა;

♦ თირკმლის უკმარისობა (რეკომენდებულია შემცირებული დოზის დანიშვნა);

♦ მძიმე არტერიული ჰიპერტონია;

♦ წყლულოვანი დაავადება და სხვა ორგანული დარღვევები, სისხლდენის რისკით;

♦ თვალის ბადურა და სისხლძარღვოვანი გარსების ვასკულური დარღვევები;

♦ თავის და ზურგის ტვინზე ქირურგიული ჩარევის შემდგომი პოსტოპერაციული პერიოდი.

ჭარბი დოზირება:

სიმპტომები: კანქვეშა ინტრავენური შეყვანისას ძირითადი კლინიკური სიმპტომია სისხლდენა. ასეთ შემთხვევაში აუცილებელია განისაზღვროს თრომბოციტების რიცხვი და სხვა კოაგულაციური პარამეტრები. მცირე სისხლდენისას საკმარისია პრეპარატის დოზის შემცირება ან გადავადება.

მკურნალობა: პროტამინის სულფატის გამოყენება საჭიროა მხოლოდ მძიმე შემთხვევების დროს. აღნიშნული პრეპარატი ძირითადად ანეიტრალებს ნადროპარინის ანტიკოაგულაციურ ეფექტს, თუმცა ფაქტორის აქტივობა შენარჩუნებულია. პროტამინ სულფატის 0.6 მლ ანეიტრალებს ნადროპარინის ანტი-Xa-ის დაახლოებით 950 სე.

პროტამინ სულფატის შეყვანილი რაოდენობის განსაზღვრისას, გამოთვლილი უნდა იყოს ჰეპარინის შეყვანიდან გასული დრო, რაც იძლევა ანტიდოტის დოზის შემცირების შესაძლებლობას.

სხვა წამლებთან ურთიერთქმედება:

– ფრაქსიპარინის დანიშვნა ასპირინთან (ან სხვა სალიცილატები), ანთებისსაწინააღმდეგო არასტეროიდულ პრეპარატებთან, თრომბოციტულ ანტიაგრეგაციულ საშუალებებთან, დექსტრანთან, არაპირდაპირი მოქმედების ანტიკოაგულაციურ საშაულებებთან აძლიერებს აღნიშნული პრეპარატების ეფექტებს.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.