თუ გსურთ ერთის გარდა რამოდენიმე კლინიკის
მითითება დააწექით ღილაკს.
ჰერპევირი-კმპ – HERPEVIRUM-KMP – ГЕРПЕВИР-КМП
ჰერბიონი® სუროს სიროფი – Herbion ivy surup – Гербион сироп плюща
დამხმარე ნივთიერებები: სორბიტოლი თხევადი (არაკრისტალიზირებული) (E420), გლიცერინი (E422), ნატრიუმის ბენზოატი (E211), ლიმონმჟავა მონოჰიდრატი (E330), არომატიზატორი მელისას სუნით (შედგება პროპილენგლიკოლისაგან, ეთანოლისაგან, ციტრონელის ზეთისაგან, ციტრალისაგან, ლიმონის და კორიანდრის ზეთებისაგან), გასუფთავებული წყალი.
1 მცენარეული წარმოშობის სუბსტანცია /ექასტრაქტი =5-7,5:1.
გამხსნელი ექსტრაქციისათვის: ეტანოლი 30% (მ/მ).
სხვა დამხმარე ნივთიერებები: 0%.
სამკურნალო ფორმა: სიროფი.
ფარმაკოთერაპიული ჯგუფი:
ხველების და გაციების დროს გამოსაყენებელი პრეპარატები.
ამოსახველებლი პრეპარატები (ხველების საწინააღმდეგო პრეპარატებთან კომბინაციის გამორიცხვით).
ფარმაკოლოგიური თვისებები:
ჰერბიონი სუროს სიროფი შეიცავს ჩვეულებრივი სურო ფოთლების მშრალ ექსტრაქტს, რომელიც მოქმედებს როგორც მუკოლიტური და ბრონქოსპაზმური საშუალება.
პრეპარატი ხელს უწყობს ნახველის სიბლანტის შემცირებას, აადვილებს ამოხველებას და აწყნარებს ხველას.
გამოყენების ჩვენებები:
ჰერბიონი სუროს სიროფი გამოიყენება როგორც ამოსახველებელი საშუალება სველი ხველების დროს.
გამოყენების წესი და დოზირება:
2-დან 5წლამდე ასაკის ბავშვებში: 2,5 მლ (0,5 დოზირებული კოვზი) სიროფი ორჯერ დღეში.
6-დან 12 წლამდე ასაკის ბავშვებში: 5მლ (1 დოზირებული კოვზი) სიროფი ორჯერ დღეში.
მოზრდილებსა და 12 წელზე უფროსი ასაკის ბავშვებში: 5-7,5 მლ (1 -1,5 დოზირებული კოვზი) სიროფი ორჯერ დღეში.
პრეპარატი უკუნაჩვენებია 2წელზე უმცროსი ასაკის ბავშვებისათვის.
ჰერბიონს სუროს სიროფს იღებენ საკვების მიღების მიუხედავად.
რეკომენდირებულია საკმაო რაოდენობის თბილი წყლის ან ჩაის დაყოლება.
თუ სიმპტომები ნარჩუნდება სიროფის მიღების დაწყებიდან ერთი კვირის განმავლობაში, მაშის საჭიროა ექიმთან კონსულტაციის ჩატარება.
უკუჩვენებები:
მომატებული ინდივიდუალური მგრძნობელობა აქტიური სუბსტანციის, არალიისებრთა ოჯახის სხვა მცენარეების ან პრეპარატის ნებისმიერი დამხმარე ნივთიერებების მიმართ.
2 წლამდე საბავშვო ასაკი.
სამკურნალო საშუალების გამოყენების განსაკუთრებული მითითებები
პერსისტირებული ამ მორეციდივე ხველა ბავშვებში 2- 4წლის ასაკში საჭიროებს მკურნალობის დაწყებამდე დიაგნოზის დასმას. იმ შემთხვევაში, თუ ავადმყოფის მდგომარეობა არ უმჯობესდება მკურნალობის 7დღის შემდეგ, ან სუნთქვის გაძნელების, ჩირქოვანი ნახველის გაჩენის შემთხვევაში, ან ტემპერატურის მომატების დროს საჭიროა ექიმთან მიმართვა.
ერთობლივი გამოყენება ხველების საწინააღმდეგო პრეპარატებთან, როგორიცაა კოდეინი ან დექსტრომეტორფანი, არ არის რეკომენდირებული სპეციალისტთან წინასწარი კონსულტაციის გარეშე.
პაციენტებმა კუჭ-ნაწლავის ტრაქტის დაავადებებით გამწვავების სტადიაში სტადიაში უნდა დაიცვან სიფრთხილე.
მნიშვნელოვანი ინფორმაცია პრეპარატის ზოგიერთი ინგრედიენტების შესახებ:
ჰერბიონი სუროს სიროფი შეიცავს სორბიტოლს (E420). პაციენტებში ფრუქტოზას იშვიათი მემკვიდრეობითი აუტანლობით არ არის რეკომენდირებული პრეპარატის მიღება.
პრეპარატი შეიცავს ეტანოლის (სპირტის) მცირე რაოდენობას -100 მგ-ზე ნაკლებს დოზაზე.
ურთიერთქმედება სხვა სამკურნალო საშუალებებთან :
მიღების წინ აუცილებელია ექიმის ინფორმირება იმის შესახებ, იღებთ ან ახლახანს იღებდით რაიმე სამკურნალო საშუალებებს.
არ არსებობს მონაცემები სხვა სამკურნალო საშუალებებთან და კვების პროდუქტებთან ურთიერთქმედების შესახებ.
მიღება ორსულობის და ძუძუთი კვების დროს:
რაიმე პრეპარატის მიღების წინ აუცილებელია ექიმთან კონსულტაციის ჩატარება.
ორსულობის და ლაქტაციის პერიოდში უსაფრთხოების შესახებ შეზღუდული მონაცემების გამო არ არის რეკომენდირებული პრეპარატის მიღება ამ კატეგორიის პაციენტებისათვის.
ზემოქმედება ავტოტრასნპორტის ტარების და პოტენციურად სახიფათო მექანიზმების მართვის უნარზე:
არ ყოფილა შეტყობინებები პრეპარატის ზემოქმედების შესახებ ავტოტრასნპორტის და სხვა მექანიზმების მართვის უნარზე.
ჭარბი დოზირება:
არ არის რეკომენდირებული რეკომენდირებულზე მაღალი დოზების მიღება.
სიმპტომები: დოზების მიღებისას, რომლებიც აღემატება დღიურ დოზა ორ ჯერზე მეტად, შესაძლებელია გულისრევა, ღებინება, დიარეა, აგზნებული მდგომარეობა.
მკურნალობა: სიმპტომატური.
არ არის რეკომენდირებული სიროფის ორმაგი დოზის მიღება გამოტოვებული მიღების კომპენსირებისათვის.
გვერდითი მოქმედება:
სხვა სამკურნალო საშუალებების მსგავსად ჰერბიონი სუროს სიროფს ერთეულ შემთხვევებში შეუძლია გვერდითი მოქმედებების გამოწვევა.
ხშირად (³1/100
– გულისრევა, ღებინება, დიარეა.
არახშირად (³1/1000
– ალერგიული რეაქციები, რომლებიც ვლინდება ჭინჭრის ციების, კანზე გამონაყარის, კუპეროზის ან სუნთქვის გაძნელების სახით.
ალერგიული რეაქციების გაჩენის შემთხვევაში საჭიროა პრეპარატის შეწყვეტა და ექიმთან კონსულტაციის ჩატარება.
გვერდითი რეაქციების გაჩენის შემთხვევაში, რომლებიც არ არის ნახსენები ჩანართ-ფურცელში, გთხოვთ შეატყობინეთ ამის შესახებ თქვენს მკურნალ ექიმს.
შენახვის პირობების და ვადები:
არ საჭიროებს შენახვის განსაკუთრებულ პირობებს.
ინახება ბავშვებისათვის მიუწვდომელ ადგილას.
ვარგისიანობის ვადა: 2წელი.
სიროფი უნდა იქნას გამოყენებული 3თვის განმავლობაში ფლაკონის გახსნის შემდეგ.
ნუ გამოიყენებთ შეფუთვაზე მითითებული ვადის გასვლის შემდეგ.
გაცემის პირობები:
ურეცეპტოდ.
შეფუთვა:
150 მლ სიროფი მინის ფლაკონში პლასტმასის თავსახურით და დოზირებული კოვზით მუყაოს ყუთში ჩანართი-ფურცლით.
ჰერბექსი – HERBEX – ГЕРБЕКС
გენერიული (საერთაშორისო არაპატენტირებული) დასახელება.
Chlorpheniramine Maleate, Phenylephrine Hydrochloride, Paracetamol, Ascorbic Acid.
მწარმოებელი: შპს `ბათფარმა“.
შემადგენლობა და გამოშვების ფორმა:
დოზირებული ფხვნილი შიგნით მისაღები ხსნარის მოსამზადებლად პაკეტში #10.
აქტიური ნივთიერებები:
ქლორფენირამინის მალეატი …………………… 4,0 მგ,
ფენილეფრინის ჰიდროქლორიდი ……………. 10,0 მგ,
პარაცეტამოლი ……………………………………. 500,0 მგ,
ვიტამინი C (ასკორბინის მჟავა) ……………….. 120,0 მგ.
დამხმარე ნივთიერებები:
ვაშლის მჟავა, ნატრიუმის ციტრატის დიჰიდრატი, ყვითელი საღებავი #10, ტიტანის დიოქსიდი, საქაროზა, მწვანე ჩაის არომატი, კალციუმის ფოსფატი, ლიმონმჟავა (უწყლო).
პაკეტის (საშე) საერთო წონა – 15 გ.
კლინიკურ – ფარმაკოლოგიური ჯგუფი:
გაციებისა და გრიპის საწინააღმდეგო საშუალება C ვიტამინით.
ფარმაკოლოგიური თვისებები:
- ტკივილგამაყუჩებელი, სიცხის დამწევი, ანტიალერგიული საშუალება.
სწრაფად ხსნის:
- თავისა და კუნთების ტკივილს;
- მაღალ ტემპერატურას;
- ყელის ტკივილს;
- სურდოს.
ჩვენებები:
- გამოიყენება ზედა სასუნთქი გზების მწვავე რესპირატორული დაავადებებისა (ჰიპერთერმია, თავის, კუნთებისა და სახსრების ტკივილი, ცრემლდენა, სურდო, შემცივნება, ცემინება,) და გრიპის მწვავე სიმპტომების მოსახსნელად.
მიღების წესი და დოზები:
მოზრდილებსა და 15 წლის ასაკის ზემოთ ბავშვებს ენიშნებათ 1 პაკეტი ყოველ 4 საათში, მაგრამ არაუმეტეს 3 პაკეტისა დღე-ღამეში. მიღების წინ 1 პაკეტის შემცველობა იხსნება 1 ჭიქა ცხელ, ანადუღარ წყალში. შეიძლება შაქრის დამატება გემოვნების მიხედვით, მიღება შესაძლებელია დღე-ღამის ნებისმიერ დროს, მაგრამ საუკეთესო ეფექტს იძლევა პრეპარატის მიღება ძილის წინ ღამით.
სიფრთხილის ზომები:
ექიმის მითითების გარეშე პრეპარატი არ მიიღება იმ ავადმყოფებში, რომლებიც გადიან მკურნალობის კურსს სხვა პრეპარატებით.
პრეპარატის მიღებისას არ არის რეკომენდებული ავტომობილის ან სხვა მექანიზმების მართვა, ალკოჰოლის მიღება, აგრეთვე ცნს-ის დამთრგუნველი საშუალებების მიღება.
განსაკუთრებული მითითებები:
მკურნალობის ხანგრძლივობა – არაუმეტეს 3 დღე. საკმარისი თერაპიული ეფექტის არარსებობის, მაღალი ტემპერატურის, რომელიც შენარჩუნებულია 3 დღის განმავლობაში და აგრეთვე, სხვა სიმპტომების გამოვლენისას, საჭიროა სასწრაფოდ მიმართოდ ექიმს.
გვერდითი მოვლენები:
შესაძლებელია ალერგიული რეაქციები გამონაყარისა და ქავილის სახით, ფსიქომოტორული რეაქციების სიჩქარის დაქვეითება, დაღლილობის შეგრძნება, პირის სიმშრალე, შარდის შეკავება, გულისრევა, იშვიათად-სისხლის პერიფერიული სურათის შეცვლა: თრომბოციტოპენია, ლეიკოპენია, აგრანულოციტოზი.
უკუჩვენებები:
მომატებული მგრძნობელობა პრეპარატის ცალკეული კომპონენტების მიმართ; ორსულობა და ძუძუთი კვების პერიოდი;
15 წლამდე ასაკის ბავშვები;
სიფრთხილით გამოიყენება:
არტერიული ჰიპერტენზიის, დახურულკუთხოვანი გლაუკომის, ღვიძლისა და თირკმელების მძიმე დაავადებების, ფილტვების დაავადებების (მათ შორის ბრონქული ასთმა), შარდის შეკავების, წინამდებარე ჯირკვლის ადენომის, სისხლის დაავადებების, ფარისებრი ჯირკვლის ჰიპერფუნქციის, ფერმენტ გლუკოზო-6-ფოსფატდეჰიდროგენაზას დეფიციტის დროს.
გამოშვების ფორმა:
დოზირებული ფხვნილი შიგნით მისაღები ხსნარის მოსამზადებლად პაკეტში #10.
შენახვის პირობები:
10-25°C ტემპერატურაზე. ინახება მშრალ და ბავშვებისათვის მიუწვდომელ ადგილას.
ვარგისობის ვადა:
2 წელი.
გაცემის წესი:
ურეცეპტოდ.
ჰეპტრალი – HEPTRAL – ГЕПТРАЛ
საერთაშორისო დასახელება:
Ademetionine ADEMETIONINE
მწარმოებელი: HOSPIRA S.P.A., იტალია
კლინიკურ–ფარმაკოლოგიური ჯგუფი:
ჰეპატოპროტექტორები
შემადგენლობა და გამოშვების ფორმა:
400მგ ლიოფილიზ. ფხვნილი ფლაკონი და 5მლ ამპულა გამხსნელი #5
400მგ ნაწლავში ხსნადი აბი #20
ლიოფილიზირებული ფხვნილის 1 ფლაკონი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება;
დამხმარე ნივთიერებები: 1 ამპულა გამხსნელი შეიცავს L–ლიზინს, ნატრიუმის ჰიდროქსიდს, საინექციო წყალს;
1 ტაბლეტი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება;
დამხმარე ნივთიერებები: უწყლო კოლოიდური სილიციუმის დიოქსიდი, ნატრიუმის სახამებელგლიკოლატი, მაგნიუმის სტეარატი, მიკროკრისტალური ცელულოზა, პოლიმეტაკრილატი, პოლიეთილენგლიკოლი 6000, ტალკი, სიმეთიკონი, პოლისორბატი.
სამკურნალწამლო ფორმა:
ლიოფილიზირებული ფხვნილი საინექციო ხსნარის მისამზადებლად.
ტაბლეტები, რომლებიც ნაწლავში ხსნადი გარსითაა დაფარული.
ძირითადი ფიზიკურ–ქიმიური თვისებები:
ლიოფილიზირებული ფხვნილი წარმოადგენს თეთრი ან მოყვითალო ფერის ლიოფილიზირებულ მასას, რომელიც უცხო ნაწილაკებს არ შეიცავს; გამხსნელი გამჭვირვალე სითხეა, რომლის ფერი უფეროდან მოყვითალო შეფერილობამდე მერყეობს და ამინის დამახასიათებელი სუნი აქვს; მომზადებული ხსნარი გამჭვირვალეა, უცხო ნაწილაკებს არ შეიცავს, ფერით კი ღია ყვითელიდან ყვითელ ფერამდე მერყეობს;
ტაბლეტები პრაქტიკულად თეთრი ფერისაა, აქვს ოვალური ფორმა, ბზარები ან ჩამონატეხები არ აღენიშნება, დაფარულია აპკისებრი გარსით.
ფარმაკოლოგიური თვისებები:
ფარმაკოდინამიკა. ადემეთიონინი ანუ სულფოადენოზილ-L-მეთიონინი ბიოქიმიური ეფექტების მქონე სამკურნალო საშუალებაა, რომელიც ორგანიზმის ყველა ქსოვილსა და თხევად არეში ნაწილდება. ის მონაწილეობს მნიშვნელოვან ბიოლოგიურ პროცესებში, ტრანსმეთილირების ბევრ რეაქციაში მეთილის ჯგუფის დონორის როლს ასრულებს, ტრანსსულფურირების რეაქციებში კი ბიოქიმიური თიოლური ნაერთების (ცისტეინის, ტაურინის, გლუტათიონის, კოენზიმ A–სა და სხვათა) წინამორბედია.
ადემეთიონინის მეთილის ჯგუფის გადატანა (ტრანსმეთილირება) ისეთ ბიონივთიერებებზე, როგორიცაა ჰორმონები, ნეირომედიატორები, პროტეინები და ფოსფოლიპიდები, ორგანიზმში მიმდინარე მნიშვნელოვანი მეტაბოლური პროცესია.
ბავშვებსა და მოზარდებში ადემეთიონინის შემცველობა ძალიან მაღალია, მაგრამ ზრდასრულებში თანდათან ქვეითდება და ხანშიშესულ ასაკში საკმაოდ დაბალი მაჩვენებელი ახასიათებს.
დეპრესიული სინდრომის მქონე პაციენტების თავ-ზურგტვინის სითხეში ადემეთიონინის შემცველობა დაბალია. ცხოველებსა და ადამიანებზე მიღებული ექსპერიმენტული მონაცემების მიხედვით, ადემეთიონინს შეუძლია ჰემატოენცეფალური ბარიერის გადალახვა და თავ-ზურგტვინის სითხეში მისი კონცენტრაციის დონის გაზრდა.
ადემეთიონინის მაღალი კონცენტრაციები ზემოქმედებას ახდენს ტვინის ქსოვილისათვის ძალიან დიდი მნიშვნელობის მქონე ტრანსმეთილირების პროცესებზე, რაც კატექოლამინების (ადრენალინის, ნორადრენალინის), ინდოლამინების (სეროტონინის, მელატონინის) და ჰისტამინის მეტაბოლიზმზე გავლენით ხორციელდება.
ადემეთიონინით მკურნალობა ზრდის ზოგიერთი ნეირომედიატორის, მაგალითად, სეროტონინისა და ნორადრენალინის ცვლას.
-რეცეპტორის აქტივობა ქვეითდება (იგივე პროცესი ხდება ორგანიზმის დაბერების დროს). ექსპერიმენტული მონაცემები მოწმობს, რომ ადემეთიონინით მკურნალობა ეფექტური ანტიდეპრესანტია სხვადასხვა დეპრესიული მდგომარეობების (მონო- და ბიპოლარული ენდოგენიების, ნევროზული, დისთიმიური დარღვევების) მქონე პაციენტებისათვის. b ადემეთიონინის შემდეგი მნიშვნელოვანი ფარმაკოლოგიური მოქმედება ნერვული უჯრედების მემბრანათა დონეზე ხდება. აღნიშნულ უჯრედებში წყლის აუცილებელი შემცველობა ფოსფოლიპიდების მეთილირებაზეა დამოკიდებული. თუ მემბრანა საკმარისი რაოდენობით წყალს არ შეიცავს,
ანტიდეპრესიული მოქმედება სწრაფად ვითარდება და მაქსიმალური ეფექტი მკურნალობის პირველი 5-7 დღის განმავლობაში აღინიშნება, ამასთან გვერდითი ეფექტები, განსაკუთრებით კი ანტიქოლინერგული ტიპის რეაქციები არ ვლინდება.
ფარმაკოკინეტიკა:
ადამიანის ორგანიზმში ინტრავენური შეყვანის შემდეგ ადემეთიონინის ფარმაკოკინეტიკური პროფილი ბიოექსპოტენციურია, ის ქსოვილებში განაწილების სწრაფი ფაზითა და დაახლოებით 1,5 საათის ხანგრძლივობის ნახევარგამოყოფის პერიოდის მქონე კლირენსით ხასიათდება. ინტრამუსკულური შეყვანისას აბსორბცია 96%-ს აღწევს, პლაზმაში მაქსიმალური კონცენტრაცია კი შეყვანიდან 45 წუთის შემდეგ აღინიშნება.
შრატის ცილებთან შეკავშირება უმნიშვნელოა და ორგანიზმის ქსოვილებსა და უჯრედებში სწრაფად ნაწილდება.
პერორალური მიღების შემდეგ პრეპარატი ნაწლავში შეიწოვება და სისხლის შრატში ადემეთიონინის კონცენტრაციის მნიშვნელოვან მატებას განაპირობებს.
დადასტურებულია, რომ სამკურნალო სახით მიღებული ადემეთიონინი ორგანიზმში იმავე მეტაბოლურ პროცესებს ექვემდებარება, რა პროცესებსაც ენდოგენური ნივთიერება გადის (ტრანსმეთილირება, ტრანსსულფურირება, დეკარბოქსილირება და სხვ.)
ჩვენებები:
- ქრონიკული ჰეპატიტი;
- ღვიძლშიდა ქოლესტაზი;
- ღვიძლის ციროზი;
- ღვიძლისმიერი ენცეფალოპათია;
- დეპრესიული სინდრომები;
- აბსტინენციის სინდრომი.
მიღების წესები და დოზები:
ლიოფილიზირებული ფხვნილი თანმხლებ გამხსნელში გახსნის შემდეგ გამოიყენება დღე-ღამეში 400 მგ დოზით, ინტრავენურად ან ინტრამუსკულურად, 15-20 დღის განმავლობაში.
ტაბლეტები: მიიღება 2-3 ტაბლეტი დღეში, დასალევად.
რეკომენდებულია, მკურნალობა დაიწყოს პრეპარატის პარენტერული შეყვანით და ტაბლეტის ფორმის პრეპარატის შემდგომი მიღებით გაგრძელდეს. თერაპიის ხანგრძლივობა დაავადების სიმძიმესა და მიმდინარეობაზეა დამოკიდებული და ექიმის მიერ ინდივიდუალურად განისაზღვრება.
გამოყენების თავისებურებები:
ლიოფილიზირებულ ფხვილს უშუალოდ გაკეთების წინ, თანმხლებ სპეციალურ გამსხსნელში ხსნიან. ინტრავენური შეყვანა ხდება ძალიან ნელა. ფხვნილის ფერის შეცვლის შემთხვევაში მას აღარ იყენებენ.
გამხსნელის ამპულა რომ გავხსნათ, ის მარცხენა ხელში უნდა დავიჭიროთ (სურ. 1), მარჯვენა ხელის ცერი თითით ფერად წერტილს დავაწვეთ. ტაბლეტების გადაყლაპვა ხდება დაუღეჭავად. ჰეპტრალ-ის ტაბლეტები დაფარულია სპეციალური გარსით, რომელიც მხოლოდ ნაწლავში იხსნება, შედეგად, ადემეთიონინი თორმეტგოჯა ნაწლავში თავისუფლდება. აქტიური ნივთიერების უკეთესი შეწოვისათვის ტაბლეტებს ჭამათა შორის შუალედში იღებენ.
ჰეპტრალ-ის ტაბლეტების ამოღება ბლისტერიდან უშუალოდ დალევის წინ ხდება. ტაბლეტების ფერის შეცვლის შემთხვევაში მათი მიღებისაგან თავი უნდა შეიკავოთ.
გვერდითი მოვლენები:
-მან შესაძლოა დღე-ღამური რიტმის (ძილი-სიფხიზლე) დარღვევა გამოიწვიოს. ასეთ შემთხვევებში შეიძლება აუცილებელი გახდეს ძილის წინ სედაციური საშუალებების მიღება.
Òპრეპარატის მაღალი დოზების ხანგრძლივი მიღების დროს სერიოზული გვერდითი რეაქციები აღნიშნული არ არის. პრეპარატის მიღებისას დამოკიდებულება არ განვითარებულა. ძალიან იშვიათად, ზოგიერთ პაციენტში ჰეპტრალ ტაბლეტების მიღების შემდეგ ზოგიერთ პაციენტს განუვითარდა გულძმარვა და უსიამოვნო შეგრძნებები ეპიგასტრიულ არეში, რომლებიც არასერიოზულ ხასიათს ატარებდა და მკურნალობის შეწყვეტას არ საჭიროებდა.
უკუჩვენება:
* მომატებული მგრძნობელობა პრეპარატის რომელიმე კომპონენტის მიმართ.
ორსულობა და ლაქტაცია:
სპეციფიკური კლინიკური მდგომარეობების (ქოლესტაზი, ღებინება, რაც ორსულობას უკავშირდება) არსებობისას პრეპარატი შესაძლოა ორსულობის პერიოდში იქნას გამოყენებული, დედასა და ნაყოფზე რაიმე ზეგავლენის გარეშე.
ბავშვები:
ბავშვებში გამოყენების გამოცდილება არ არსებობს.
განსაკუთრებული მითითებები:
რეაქციის სისწრაფეზე გავლენის უნარი სატრანსპორტო საშუალებების მართვის ან სხვა მექანიზმებთან მუშაობის დროს პრეპარატი ავტომობილის ან მექანიზმების მართვის უნარზე არ მოქმედებს.
ჭარბი დოზირება:
ჭარბი დოზირების კლინიკური გამოვლინებების შესახებ ცნობები არ არსებობს.
სხვა წამლებთან ურთიერთქმედება:
სხვა სამკურნალო საშუალებებთან ურთიერთქმედება აღწერილი არ არის. პრეპარატის მიღება შესაძლებელია სხვა ისეთ ანტიდეპრესანტებთან ერთად, როგორიცაა მაო-ინჰიბიტორები, ტრიციკლური ინჰიბიტორები. ალკოჰოლთან ურთიერთქმედება აღწერილი არ ყოფილა.
შენახვის პირობები და ვადები:
3 წელი.
ინახება არაუმეტეს 25ºC-ზე, ბავშვებისათვის მოუწვდომელ ადგილას. მომზადებული ხსნარის შენახვა შესაძლებელია 3 საათის განმავლობაში, თუ ტემპერატურა 25ºC -ს არ აღემატება.
აფთიაქში გაცემის წესი:
რეცეპტით.
ჰეპრელანი – HEPRELAN – ГЕПРЕЛАН
საერთაშორისო დასახელება:
ACICLOVIR
მწარმოებელი: OLAINFARM
მოქმედი ნივთიერება: აციკლოვირი
კლინიკურ-ფარმაკოლოგიური ჯგუფი:
ანტივირუსული პრეპარატი
შემადგენლობა და გამოშვების ფორმა:
ტაბლეტები: შეფუთვაში 10 და 20 ც.
1 ტაბ.
აციკლოვირი ……….. 200 მგ
ვრცლად ზოვირქსი (ტაბლეტები)
ვრცლად ზოვირქსი (ტაბლეტები) ჰეპოლამი – HEPOLAM – ГЕПОЛАМ
მწარმოებელი: შპს “ავერსი-რაციონალი” (საქართველო).
ზოგადი დახასიათება:
ძირითადი ფიზიკურ– ქიმიური თვისებები:
კაფსულები: მყარი ჟელატინის კაფსულები მწვანე ფერის კორპუსითა და თავსახურით, შევსებული მოყავისფრო ფხვნილით;
სიროფი: ყავისფერი, გამჭვირვალე სიროფი დამახასიათებელი სუნით.
შემადგენლობა:
1 კაფსულა შეიცავს შემდეგი მცენარეების ექსტრაქტს: პიკრორიზა (Picrorrhiza kurroa) – 125 მგ, ეკლიპტა (Eclipta alba) – 50 მგ, ფილანტუსი (Phyllanthus niruri) – 75 მგ, ტინოსპორა (Tinospora cordifolia) – 50 მგ, ბერჰავია (Boerhaavia diffusa) – 35 მგ, ბაკოპა (Bacopa monnieri) – 20 მგ, გრძელი წიწაკა (Piper longum) – 10 მგ.
დამხმარე ნივთიერებები: მიკროკრისტალური ცელულოზა, კოლოიდური სილიციუმის დიოქსიდი, ორფუძიანი კალციუმის ფოსფატი, ნატრიუმის მეთილპარაბენი, ნატრიუმის პროპილპარაბენი, ბრონოპოლი, ნატრიუმის ბენზოატი, ნატრიუმის სახამებლის გლიკოლატი, გასუფთავებული ტალკი, მაგნიუმის სტეარატი.
კაფსულის გარსის შემადგენლობა: გასუფთავებული წყალი, ნატრიუმის ლაურილსულფატი, პოვიდონი, ბრონოპოლი, ჟელატინი, საღებავები: Brilliant Blue (E 133), Tartrazine (E 102), ტიტანის დიოქსიდი (E 171).
სიროფის 10 მლ შეიცავს შემდეგი მცენარეების ექსტრაქტს: პიკრორიზა (Picrorrhiza kurroa) – 125 მგ, ეკლიპტა (Eclipta alba) – 50 მგ, ფილანტუსი (Phyllanthus niruri) – 75 მგ, ტინოსპორა (Tinospora cordifolia) – 50 მგ, ბერჰავია (Boerhaavia diffusa) – 35 მგ, ბაკოპა (Bacopa monnieri) – 20 მგ, გრძელი წიწაკა (Piper longum) – 10 მგ.
დამხმარე ნივთიერებები: თაფლი, შაქარი, თხევადი გლუკოზა, პროპილენგლიკოლი, მანიტოლი, ლიმონმჟავას მონოჰიდრატი, ასპარტამი, ნატრიუმის მეთილპარაბენი, ნატრიუმის პროპილპარაბენი, ბრონოპოლი, ნატრიუმის ბენზოატი, მენთოლი, გასუფთავებული წყალი, საღებავი : Sugar Caramel Colour (E 150), არომატიზატორები: სიმწარის შემამცირებელი არომატიზატორი, ფორთოხლის ტკბილი არომატიზატორი, თაფლის არომატიზატორი.
ფარმაკოლოგიური თვისებები:
ჰეპოლამი წარმოადგენს კომბინირებულ მცენარეულ პარასამკურნალო საშუალებას, რომლის თერაპიული ეფექტი ორგანიზმზე განპირობებულია მასში შემავალი აქტიური ინგრედიენტების ფარმაკოლოგიური თვისებებით. ჰეპოლამს გააჩნია ჰეპატოპროტექტორული მოქმედება. პრეპარატი აუმჯობესებს ღვიძლის ფუნქციურ აქტივობას ღვიძლის დაავადებების დროს, იცავს ღვიძლს ჰეპატოტოქსიკური ნივთიერებების, ჰეპატოტოქსიკური მედიკამენტებისა და ალკოჰოლის მავნე ზემოქმედებისაგან. როგორც დამხმარე საშუალება, ხელს უწყობს ორგანიზმის გათავისუფლებას სხვადასხვა ნივთიერებებზე, მათ შორის ალკოჰოლზე დამოკიდებულებისაგან. ჰეპოლამი აძლიერებს მადას ანორექსიის დროს.
პრეპარატი შეიცავს მცენარეების მშრალ ექსტრაქტებს, რომელთაც გააჩნიათ შემდეგი თვისებები:
Picrorrhiza kurroa-ს ექსტრაქტს გააჩნია ჰეპატოპროტექტორული მოქმედება, იცავს ღვიძლს ტოქსიკური ნივთიერებებითა და სამკურნალო საშუალებებით დაზიანებისაგან.
Eclipta alba-ს და Bacopa monnieri-ს ექსტრაქტებს გააჩნიათ ანტიოქსიდანტური თვისება, აუმჯობესებენ პაციენტის საერთო მდგომარეობას.
Boerhaavia diffusa-ს ექსტრაქტი აუმჯობესებს ნაღვლის სეკრეციას.
Phyllanthus niruri-ს და Tinospora cordifolia-ს ექსტრაქტებს გააჩნიათ იმუნომოდულაციური აქტივობა.
ჰეპოლამში შემავალი სამკურნალო მცენარეები ავლენენ პროფილაქტიკურ და თერაპიულ ეფექტს ღვიძლის სხვადასხვა დაავადების დროს. აფერხებენ ღვიძლის ფიბროზის განვითარებას და ასტიმულირებენ რეგენერაციას.
ჩვენება:
• ქრონიკული ჰეპატიტი;
• ღვიძლის ციროზი;
• ღვიძლის ცხიმოვანი დეგენერაცია;
• ჰეპატოტოქსიკური მედიკამენტებით ღვიძლის დაზიანების პრევენცია;
• ღვიძლის ალკოჰოლური დაზიანება;
• ანორექსია.
მიღების წესი და დოზირება:
ჰეპოლამის კაფსულები და სიროფი მიიღება პერორალურად.
კაფსულები: მოზრდილებში და ბავშვებში 12 წლის ზევით მიიღება თითო კაფსულა 2-ჯერ დღეში.
სიროფი: მოზრდილებში და ბავშვებში 12 წლის ზევით – 10 -10 მლ 2-ჯერ დღეში.
ბავშვებში 3-დან 12 წლამდე პრეპარატი ინიშნება სიროფის სახით, ჰეპატოტოქსიკური მედიკამენტებით ღვიძლის დაზიანების პრევენციისა და ანორექსიის შემთხვევაში, დოზით 5 -5 მლ 2-ჯერ დღეში.
დოზის კორექცია შესაძლებელია ექიმის დანიშნულების მიხედვით.
მკურნალობის ხანგრძლივობა განისაზღვრება დაავადების სიმძიმის მიხედვით მკურნალი ექიმის მიერ და შეადგენს საშუალოდ 1-3 თვეს.
სიროფის გამოყენების წინ ფლაკონი შეანჯღრიეთ!
უკუჩვენება:
* მომატებული მგრძნობელობა პრეპარატის შემადგენელი კომპონენტების მიმართ;
* ორსულობა;
* ლაქტაცია.
ჰიპერდოზირება:
მონაცემები დოზის გადაჭარბების შემთხვევებზე არ არსებობს.
ორსულობა და ლაქტაცია:
ორსულობისა და ძუძუთი კვების პერიოდში პრეპარატის გამოყენება უკუნაჩვენებია.
შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
სიროფის გაყინვა დაუშვებელია. სიროფი ვარგისია ფლაკონის გახსნიდან 1 თვის განმავლობაში.
ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქიდან გაცემის პირობა:
გაიცემა ურეცეპტოდ.
ჰეპელი – HEPEEL – ХЕПЕЛЬ
მწარმოებელი: HEEL, გერმანია
კლინიკურ-ფარმაკოლოგიური ჯგუფი:
ღვიძლის დაავადებების სამკურნალო ჰომეოპათიური საშუალება.
შემადგენლობა და გამოშვების ფორმა:
სუბლინგვალური ტაბლეტები: შეფუთვაში 50 და 250 ც.
1 ტაბ.
Lycopodium D3 ………………………………….. | 30 მგ |
Chelidonium D4 …………………………………. | 30 მგ |
China D3 ………………………………………….. | 30 მგ |
Nux moschata D4 ……………………………….. | 30 მგ |
Carduus marianus D2 ………………………….. | 15 მგ |
Phosphorus D6 …………………………………… | 15 მგ |
Veratrum D6 ………………………………………. | 60 მგ |
Colocynthis D6 …………………………………… | 90 მგ |
საინექციო ხსნარი: ამპულაში 1.1 მლ, შეფუთვაში 5, 10, 50 და 100 ც.
100 მლ
Lycopodium D2 ………………………………….. | 0.1 მლ |
Chelidonium D3 …………………………………. | 0.1 მლ |
China D2 …………………………………………. | 0.1 მლ |
Nux moschata D3 ……………………………….. | 0.1 მლ |
Carduus marianus D1 …………………………. | 0.05 მლ |
Phosphorus D5 ………………………………….. | 0.05 მლ |
Veratrum D6 ………………………………………. | 0.2 მლ |
Colocynthis D5 …………………………………… | 0.3 მლ |
ფარმაკოლოგიური თვისებები:
პრეპარატი წარმოადგენს ჰომეოპათური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინების) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.
ჩვენებები:
- ღვიძლის ფუნქციის პირველადი და მეორადი დარღვევები, ღვიძლის სხვადასხვა დაზიანებები;
- ქოლანგიტი, ქოლეცისტიტი, ნაღვლის სადინარების სხვა დაზიანებები, მეტეორიზმი, მადის დაკარგვა;
- აგრეთვე ის დაავადებები, რომელთა დროს აუცილებელია ღვიძლის დეზინტოქსიკაციური ფუნქციის გააქტივება (მაგალითად, ეგზემები, პოლიართრიტი და სხვა);
- როგორც დამხმარე საშუალება ფერიმჭამელების დროს.
მიღების წესი და დოზირება:
სუბლინგვალური ტაბლეტები: ჩვეულებრივ ინიშნება 1 ტაბლეტი 3-ჯერ დღეში.
გამოყენების წესი:
ჭამამდე ნახევარი საათით ადრე სუბლინგვალურად სრულ გაწოვამდე, წყლის მიყოლების გარეშე.
საინექციო ხსნარი: მწავე შემთხვევებში 1 ამპულა ყოველდღიურად, სხვა შემთხვევებში – 1-3-ჯერ კვირაში, კანქვეშ, კუნთებში ან ვენაში.
გვერდითი მოვლენები:
არ გააჩნია.
უკუჩვენებები:
მომატებული მგრძნობელობა ქინინის პრეპარატების მიმართ.
სხვა წამლებთან ურთიერთქმედება:
აღსანიშნავ თავისებურებათა გარეშე.
შენახვის პირობები:
პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.
ვარგისიანობის ვადა: 5 წელი.
ჰეპატოლაკი – HEPATOLAK – ГЕПАТОЛАК
საერთაშორისო დასახელება:
LACTULOSE
მწარმოებელი: ბიოფარმა.,თურქეთი
კლინიკურ–ფარმაკოლოგიური ჯგუფი :
საფაღარათო საშუალებები; ოსმოსური თვისებების მქონე
შემადგენლობა და გამოშვების ფორმა:
100მლ სიროფი ფლ
250მლ სიროფი ფლ
თითოეული დოზირებული ჭიქა (15 მლ) შეიცავს:
10გ (667 მგ/მლ) ლაქტულოზას, 2.2გ-მდე გალაქტოზას, 1.2 გ-მდე ლაქტოზას, 1.2 გ-მდე სხვა შაქრებს.
ფარმაკოლოგიური თვისებები:
ლაქტულოზა ნახევრად სინთეზური დისაქარიდია, რომელიც შედგება გალაქტოზას 1 მოლეკულისა და ფრუქტოზას 1 მოლეკულისაგან. მიღების შემდეგ უცვლელი სახით აღწევს მსხვილ ნაწლავში, ვინაიდან წვრილ ნაწლავში ლაქტულოზას დამშლელი ენზიმები არ მოიპოვება.
ლაქტულოზას დაშლის შედეგად მსხვილ ნაწლავში წარმოიქმნება ალიფატური რიგის მოკლეჯაჭვიანი კარბონმჟავები, რომლებიც ამცირებენ pH -ის დონეს ნაწლავში და ზრდიან ნაწლავის შიგთავსის ოსმოსურ წნევას.
ლაქტულოზა ამცირებს თავისუფალი ამიაკის და სხვა ტოქსიკური ნივთიერებების წარმოქმნას, ხელს უწყობს მათ უტილიზაციას, ასევე ორგანიზმიდან სწრაფად გამოსვლას. ამგვარად, ლაქტულოზა საკუთარ თავზე იღებს ღვიძლის სამუშაოს ნაწილს ტოქსიკურ ნივთიერებების უტილიზაციის დარგში. ეს განსაკუთრებით მნიშვნელოვანია ღვიძლის დაავადებების დროს, როდესაც იგი ამ ფუნქციას ვეღარ ასრულებს, რის შედეგადაც ტოქსიკური ნივთიერებები ხვდებიან რა სისტემურ სისხლის მიმოქცევაში, აღწევენ ჰემატოენცეფალურ ბარიერში და იწვევენ ღვიძლისმიერი ენცეფალოპათიის განვითარებას.
ლაქტულოზა აღადგენს ნაწლავის ნორმალურ მოკროფლორას. ლაქტულოზა ასტიმულირებს ნაწლავის მოტორიკას, იწვევს ქიმუსის გათხიერებას და მისი მოცულობის გაზრდას. საფაღარათო ეფექტი 1-3 დღის განმავლობაში ვლინდება. გარდა ამისა, ლაქტულოზას განავალთან ერთად გამოაქვს ნაღვლის მჟავები, რის შედეგადაც მცირდება ქოლესტერინის შემცველობა სისხლსა და ნაღველში. გააჩნია მსხვილ ნაწლავში სალმონელების ზრდის ინჰიბირების უნარი. არ ამცირებს ვიტამინებისა და მინერალების აბსორბციას. არ იწვევს შეჩვევას (მოხსნის სინდრომი არ გააჩნია).
ჩვენებები:
- ღვიძლის ქრონიკული დაავადებები;
- ღვიძლისმიერი ენცეფალოპათიის (მ.შ. ღვიძლის პრეკომისა და კომის) მკურნალობა და პროფილაქტიკა;
- ნაწლავის ნორმალური მიკროფლორის აღსადგენად ანტიბიოტიკოთერაპიის, სხივური და ქიმიოთერაპიის შემდეგ;
- ახალშობილებსა და ძუძუს ასაკის ბავშვებში ნორმალური მიკროფლორის ჩამოყალიბებისა და აღდგენისთვის (საკეისრო კვეთა, ხელოვნური კვება), დისბაქტერიოზის განვითარების პრევენციისათვის ინფიცირებული რძით კვებისას;
- ნაღვლკენჭოვანი დაავადება;
- ჰიპერქოლესტერინემია;
- ქრონიკული ყაბზობა (როგორც მოზრდილებში, ასევე ბავშვებში);
- ყაბზობა ორსულებში (II ტრიმესტრის შემდეგ);
- სალმონელამტარებლობა;
- ალკოჰოლის ბოროტად გამოყენება.
მიღების წესები და დოზები:
ჰეპატოლაკი ღვიძლის ქრონიკული ენცეფალოპათიის დროს:
შიგნით | 30-45მლ (2-3 დოზირებული ჭიქა ) | 3-5-ჯერ დღეში ჭამის შემდეგ |
ჰეპატოლაკი ღვიძლის პრეკომის ან კომის დროს:
| საწყისი დოზა | შეყვანის ჯერადობა | შემანარჩუნებელი დოზა |
შიგნით | 30-45 მლ (2-3 დოზირებული ჭიქა) | ყოველ 1-2 საათში |
|
რექტალურად | ოყნების სახით 300მლ ჰეპატოლაკი | 3-4-ჯერ დღეში | შიგნით 30-45 მლ 2-ჯერ დღეში |
გასტრალური ზონდით | 60-100 მლ სუფთა სახით ან წყალთან ნარევში | 3-4-ჯერ დღეში |
|
ყველა შემთხვევაში ავადმყოფის მდგომარეობის გაუმჯობესებისას პრეპარატი ინიშნება შიგნით, შემანარჩუნებელი დოზებით.
მკურნალობის ოპტიმალური ხანგრძლივობა 6-8 კვირას შეადგენს.
ყაბზობების მკურნალობისას:
ჰეპატოლაკი მიიღება დღეში ერთხელ ჭამის დროს წყალთან, რძესთან ან ხილის წვენთან ერთად შემდეგი დოზებით:
ასაკი | საწყისი დოზა | შემანარჩუნებელი დოზა |
მოზრდილები | 15-45 მლ (1-3 დოზ. ჭიქა) | 10-25 მლ (2/3–1 1/2 დოზ. ჭიქა) |
დოზის კორექცია იმ შემთხვევაში ტარდება, თუ პრეპარატის მიღების 2 დღის განმავლობაში ავადმყოფის მდგომარეობის გაუმჯობესება არ აღინიშნა.
გვერდითი მოვლენები:
ძირითადად მკურნალობის პირველ დღეებში და დიდი დოზებისას შეიძლება გამოვლინდეს: შებერილობა, მეტეორიზმი, ბოყინი, სპაზმები, მუცლის ტკივილი. ძალიან იშვიათად აღინიშნება ღებინება და გულისრევა. ეს გვერდითი ეფექტები შექცევადია და დოზის შემცირების შემთხვევაში ქრება.
მოულოდნელი გვერდითი ეფექტების გამოვლინების შემთხვევაში აუცილებელია ექიმთან მიმართვა.
უკუჩვენება:
* გასტროინტესტინალური ობსტრუქციები, მდგომარეობები, რომელთა დროსაც გალაქტოზას მიღება უკუნაჩვენებია.
განსაკუთრებული მითითებები:
1. ორსულობის I ტრიმესტრში გამოყენება მხოლოდ ექიმის დანიშნულებით.
2. მონაცემები ლაქტულოზას დედის რძეში გადასვლის შესახებ არ არსებობს, მაგრამ ვინაიდან ბევრი პრეპარატი აღწევს დედის რძეში, პრეპარატი მეძუძურ დედებში ინიშნება სიფრთხილით.
3. მიუხედავად იმისა, რომ პრეპარატის შემადგენლობაში შაქარი არ შედის, ჰეპატოლაკი სიფრთხილით ინიშნება შაქრიანი დიაბეტის მქონე პაციენტებში.
4. თითოეული ავადმყოფისათვის დოზის შერჩევა ხდება ინდივიდუალურად.
5. ანტაციდებთან ერთად მიღებისას პრეპარატის მოქმედება სუსტდება.
ჭარბი დოზირება:
დღეისათვის ჭარბი დოზის შემთხვევები ცნობილი არ არის. სავარუდოა, რომ ჭარბი დოზისას შესაძლოა გამოვლინდეს დიარეა და ნაწლავის სპაზმი. ამ შემთხვევაში პრეპარატის მიღება უნდა შეწყდეს და მოხდეს ავადმყოფის მდგომარეობაზე დაკვირვება. წყლისა და ელექტროლიტების დანაკარგი უნდა აღდგეს. თუ მკურნალობისას დიარეა გამოვლინდა, მაშინ დოზა უნდა შემცირდეს. თუ დიარეა არ შეწყდა, პრეპარატი უნდა მოიხსნას.
სხვა წამლებთან ურთიერთქმედება:
მოქმედების ფართო სპექტრის მქონე ანტიბიოტიკებთან ერთად გამოყენებისას შესაძლებელია ლაქტულოზას თერაპიული ეფექტის დაქვეითება.
ანტაციდებთან ერთად გამოყენებისას ლაქტულაზას მოქმედება სუსტდება, ვინაიდან ისინი pH -ის შემცირებას ეწინააღმდეგებიან.
შენახვის პირობები და ვადები:
ინახება შუფუთვაში არაუმეტეს 25oC ტემპერატურაზე ბავშვებისათვის მიუწვდომელ ადგილას.
2 წელი.
აფთიაქში გაცემის წესი:
რეცეპტით.
ჰეპატო-რიცი – HEPATO-Ritc – ГЕПАТО-Риц
მწარმოებელი: GMP, საქართველო
მოქმედი ნივთიერება:
კლინიკურ-ფარმაკოლოგიური ჯგუფი:
ღვიძლის მეტაბოლური პროცესების გამაუმჯობესებელი საშუალება;
(ჰეპატოპროტექტორი).
შემადგენლობა და გამოშვების ფორმა:
კაფსულები: შეფუთვაში 50 ც.
1 კაფს.
ბაყაყურას (Silybum marianum) მშრალი ექსტრაქტი …………… 140 მგ
ქრისტესისხლას (Chelidonium majus) მშრალი ექსტრაქტი ……. 100 მგ
ყვითელი კოჭას (Curcuma longa) მშრალი ექსტრაქტი ………… 25 მგ
ლეციტინი (Lecithin) ………………………………………………… 40 მგ
ფარმაკოლოგიური თვისებები:
ჰეპატო-რიცი მცენარეული წარმოშობის კომბინირებული პრეპარატია. ნაღვლმდენი და სპაზმოლიზური მოქმედების ჰეპატოპროტექტორი, რომელიც ახდენს ღვიძლის ფუნქციების ნორმალიზაციას, აუმჯობესებს მადას და საჭმლის მონელებას.
ჰეპატო-რიცის ეფექტს განაპირობებს მცენარეული ექსტრაქტების ბიოლოგიურად აქტიურ ნივთიერებათა ერთობლივი მოქმედება:
ფლავონოიდი სილიბინინი, რომელსაც შეიცავს ბაყაყურას ექსტრაქტი, ხასიათდება ჰეპატოპროტექტორული მოქმედებით. ღვიძლის მწვავე და ქრონიკული პათოლოგიების დროს ახდენს უჯრედების მემბრანების სტაბილიზაციას, აფერხებს მათ შემდგომ დაშლას და უჯრედებში ჰეპატოტოქსიკური ნივთიერებების შეღწევას; იცავს ღვიძლს ალკოჰოლის მავნე ზემოქმედებისგან. ცილებისა და ფოსფოლიპიდების სინთეზის სტიმულაციით აჩქარებს დაზიანებული ჰეპატოციტების რეგენერაციას.
ალკალოიდი ხელიდონინი, რომელიც წარმოადგენს ქრისტესისხლას ერთ-ერთ უმნიშვნელოვანეს კომპონენტს, ხასიათდება ტკივილგამაყუჩებელი, სპაზმოლიზური და ნაღვლმდენი მოქმედებით. თავისუფალი რადიკალების მიერთებით ავლენს ანტიოქსიდანტურ მოქმედებას; ხელს უწყობს ჰეპატოციტების აღდგენის პროცესს.
ყვითელი კოჭას აქტიური ნივთიერება კურკუმინი – ძლიერი ანთების საწინააღმდეგო საშუალებაა; ამცირებს ღვიძლის ინტოქსიკაციას, აუმჯობესებს ნაღვლის ბუშტის მუშაობას და ნაღვლის გამოყოფას. აუმჯობესებს ღვიძლის დეტოქსიკურ ფუნქციას და ავლენს ბაქტერიციდულ და ბაქტერიოსტატიკურ აქტივობას ნაწლავური ინფექციების ზოგიერთი გამომწვევის მიმართ. ლეციტინი წარმოადგენს შეუცვლელი ფოსფოლიპიდების კომპლექსს, რომლებიც აუცილებელია ღვიძლის უჯრედების მემბრანების რეგენერაციის, ბიოლოგიური სტრუქტურის სტაბილიზაციისა და წარმოქმნისათვის. ღვიძლის სხვადასხვა დაავადებებისას ლეციტინი ამცირებს ლიმფოციტების ციტოტოქსიკურ მოქმედებას და ჰეპატოტოციტების ნეკროზს; არეგულირებს ცილებისა და ცხიმების ცვლას, იცავს ღვიძლის უჯრედულ სტრუქტურას, აღადგენს ლიმფოციტების და მაკროფაგების დამცველობით ფუნქციას.
ჩვენებები:
პროფილაქტიკური, დამცავი და სამკურნალო საშუალება ღვიძლის ფუნქციების დარღვევების დროს:
- ღვიძლის დაავადებების პროფილაქტიკა;
- ღვიძლის ქრონიკული ანთებითი დაავადებები;
- ქრონიკული ქოლეცისტიტი (არაკალკულოზური), ქოლანგიტი, სანაღვლე გზების დისკინეზია;
- ღვიძლის ალკოჰოლური, სხივური და ტოქსიკური დაზიანებები;
- სხვადასხვა ეტიოლოგიის ღვიძლის ცხიმოვანი დეგენერაცია;
- ღვიძლის ციროზის მკურნალობა კომბინირებული თერაპიის შემადგენლობაში;
- ანთების საწინააღმდეგო არასტეროიდული საშუალებებით, ანტიბიოტიკებით და სხვა მედიკამენტებით ხანგრძლივი მკურნალობის შემდგომ.
მიღების წესი და დოზირება:
პროფილაქტიკისა და მკურნალობის მიზნით ინიშნება ჰეპატო-რიცის 1 კაფსულა 3-ჯერ დღეში.
მძიმე ფორმით მიმდინარე დაავადების დროს – 2 კაფსულა 3-ჯერ დღეში ორი კვირის განმავლობაში, შემდგომ მკურნალობა გრძელდება თერაპიული დოზით (1 კაფსულა 3-ჯერ დღეში) 1-3 თვის განმავლობაში.
მკურნალობის კურსი მეორდება 1-3 თვის ინტერვალით. კაფსულები მიიღება ჭამის წინ დაუღეჭავად, მცირე რაოდენობით სითხესთან ერთად.
გვერდითი მოვლენები:
პრეპარატი კარგად გადაიტანება, იშვიათად ადგილი აქვს მომატებული მგრძნობელობის რეაქციებს.
უკუჩვენებები:
* პრეპარატის კომპონენტებისადმი მომატებული მგრძნობელობა.
განსაკუთრებული მითითებები:
სიფრთხილით ინიშნება სიყვითლის და ნაღველკენჭოვანი დაავადებების დროს.
ჭარბი დოზირება:
დოზის გადაჭარბების ნიშნები აღწერილი არ არის.
სხვა წამლებთან ურთიერთქმედება:
სხვა პრეპარატებთან ურთიერთქმედება აღწერილი არ არის.
შენახვის პირობები:
პრეპარატი ინახება 10-250C ტემპერატურაზე, მშრალ, სინათლისა და ბავშვებისაგან დაცულ ადგილას.
ვარგისიანობის ვადა: 3 წელი.
ჰეპარინი – HEPARIN – ГЕПАРИН
საერთაშორისო დასახელება:
HEPARIN SODIUM
მწარმოებელი: GENOM BIOTECH
მოქმედი ნივთიერება: ჰეპარინ ნატრიუმი
კლინიკურ-ფარმაკოლოგიური ჯგუფი:
პირდაპირი მოქმედების ანტიკოაგულანტი
შემადგენლობა და გამოშვების ფორმა:
საინექციო ხსნარი: ფლაკონში 5 მლ, შეფუთვაში 10 ც.
1 მლ 1 ფლ.
ჰეპარინ ნატრიუმი …….. 5000 სე 25000 სე
